أَخْبَرَنَا عَبْدُ اللَّهِ بْنُ صَالِحٍ ، حَدَّثَنِي اللَّيْثُ بْنُ سَعْدٍ ، حَدَّثَنِي عُقَيْلٌ ، عَنْ ابْنِ شِهَابٍ ، أَخْبَرَنِي عَبَّادُ بْنُ زِيَادٍ ، عَنْ عُرْوَةَ بْنِ الْمُغِيرَةِ ، وَحَمْزَةَ بْنِ الْمُغِيرَةِ ، أَنَّهُمَا سَمِعَا الْمُغِيرَةَ بْنَ شُعْبَةَ يُخْبِرُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَقْبَلَ وَأَقْبَلَ مَعَهُ الْمُغِيرَةُ بْنُ شُعْبَةَ، حَتَّى وَجَدُوا النَّاسَ قَدْ أَقَامُوا الصَّلَاةَ صَلَاةَ الْفَجْرِ وَقَدَّمُوا عَبْدَ الرَّحْمَنِ بْنَ عَوْفٍ يُصَلِّي بِهِمْ، فَصَلَّى بِهِمْ عَبْدُ الرَّحْمَنِ رَكْعَةً مِنْ صَلَاةِ الْفَجْرِ قَبْلَ أَنْ يَأْتِيَ رَسُولُ اللَّهِ صَلَّى اللَّهُ عَلَيْهِ وَسَلَّمَ، ثُمَّ جَاءَ رَسُولُ اللَّهِ صَلَّى اللَّهُ عَلَيْهِ وَسَلَّمَ، فَصَفَّ مَعَ النَّاسِ وَرَاءَ عَبْدِ الرَّحْمَنِ فِي الرَّكْعَةِ الثَّانِيَةِ، فَلَمَّا سَلَّمَ عَبْدُ الرَّحْمَنِ، قَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ ثُمَّ صَلَّى، فَفَزِعَ النَّاسُ لِذَلِكَ، وَأَكْثَرُوا التَّسْبِيحَ، فَلَمَّا قَضَى رَسُولُ اللَّهِ صَلَّى اللَّهُ عَلَيْهِ وَسَلَّمَ صَلَاتَهُ، قَالَ لِلنَّاسِ : " قَدْ أَصَبْتُمْ أَوْ قَدْ أَحْسَنْتُمْ "
Urva ibn Mugʻiyra bilan Hamza ibn Mugʻiyra Mugʻiyra ibn Shuʼba (roziyallohu anhu)ning shunday xabar berganini eshitdilar: Rasululloh ﷺ (safardan) kelayotgan, Mugʻiyra ibn Shuʼba ham u zot bilan birga kelayotgan edi. Nihoyat ular odamlarning bomdod namoziga iqomat aytib boʻlganlarini va Abdurahmon ibn Avfni ularga imomlik qilishga oldinga oʻtkazganlarini koʻrdilar. Abdurahmon ularga Rasululloh ﷺ yetib kelishlaridan oldin bomdod namozining bir rakaatini oʻqib boʻlgan edi. Soʻng Rasululloh ﷺ keldilar va ikkinchi rakaatda odamlar bilan birga Abdurahmonning ortida safga turdilar. Abdurahmon salom berganida, Rasululloh ﷺ turib, (qolgan namozni) oʻqidilar. Odamlar bundan hovliqib, koʻp tasbeh aytdilar. Rasululloh ﷺ namozlarini ado etib boʻlgach, odamlarga: «Toʻgʻri qildingiz», yoki «Yaxshi qildingiz», dedilar.Урва ибн Муғийра билан Ҳамза ибн Муғийра Муғийра ибн Шуъба (розияллоҳу анҳу)нинг шундай хабар берганини эшитдилар: Расулуллоҳ ﷺ (сафардан) келаётган, Муғийра ибн Шуъба ҳам у зот билан бирга келаётган эди. Ниҳоят улар одамларнинг бомдод намозига иқомат айтиб бўлганларини ва Абдураҳмон ибн Авфни уларга имомлик қилишга олдинга ўтказганларини кўрдилар. Абдураҳмон уларга Расулуллоҳ ﷺ етиб келишларидан олдин бомдод намозининг бир ракаатини ўқиб бўлган эди. Сўнг Расулуллоҳ ﷺ келдилар ва иккинчи ракаатда одамлар билан бирга Абдураҳмоннинг ортида сафга турдилар. Абдураҳмон салом берганида, Расулуллоҳ ﷺ туриб, (қолган намозни) ўқидилар. Одамлар бундан ҳовлиқиб, кўп тасбеҳ айтдилар. Расулуллоҳ ﷺ намозларини адо этиб бўлгач, одамларга: «Тўғри қилдингиз», ёки «Яхши қилдингиз», дедилар.