أَخْبَرَنَا سُلَيْمَانُ بْنُ دَاوُدَ الزَّهْرَانِيُّ ، أَخْبَرَنَا إِسْمَاعِيل هُوَ ابْنُ جَعْفَرٍ ، حَدَّثَنَا عَمْرُو بْنُ أَبِي عَمْرٍو ، عَنْ عَبْدِ الرَّحْمَنِ بْنِ الْحُوَيْرِثِ ، عَنْ مُحَمَّدِ بْنِ جُبَيْرِ بْنِ مُطْعِمٍ ، عَنْ أَبِيهِ رَضِيَ اللهُ عَنْهُ، أَنَّهُ شَهِدَ خُطْبَةَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي يَوْمِ عَرَفَةَ فِي حَجَّةِ الْوَدَاعِ : " أَيُّهَا النَّاسُ، إِنِّي وَاللَّهِ لَا أَدْرِي لَعَلِّي لَا أَلْقَاكُمْ بَعْدَ يَوْمِي هَذَا بِمَكَانِي هَذَا، فَرَحِمَ اللَّهُ مَنْ سَمِعَ مَقَالَتِي الْيَوْمَ فَوَعَاهَا، فَرُبَّ حَامِلِ فِقْهٍ وَلَا فِقْهَ لَهُ، وَرُبَّ حَامِلِ فِقْهٍ إِلَى مَنْ هُوَ أَفْقَهُ مِنْهُ، وَاعْلَمُوا أَنَّ أَمْوَالَكُمْ وَدِمَاءَكُمْ حَرَامٌ عَلَيْكُمْ كَحُرْمَةِ هَذَا الْيَوْمِ، فِي هَذَا الشَّهْرِ، فِي هَذَا الْبَلَدِ، وَاعْلَمُوا أَنَّ الْقُلُوبَ لَا تُغِلُّ عَلَى ثَلَاثٍ : إِخْلَاصِ الْعَمَلِ لِلَّهِ، وَمُنَاصَحَةِ أُولِي الْأَمْرِ، وَعَلَى لُزُومِ جَمَاعَةِ الْمُسْلِمِينَ، فَإِنَّ دَعْوَتَهُمْ تُحِيطُ مِنْ وَرَائِهِمْ "
Jubayr ibn Mutʼim (roziyallohu anhu) Vidolashuv hajida, Arafa kuni Rasululloh ﷺning xutbalarida hozir boʻlgan: «Ey odamlar! Allohga qasamki, men bilmayman, balki bugungi kunimdan keyin, mana shu joyimda sizlar bilan uchrashmasman. Bugun mening soʻzimni eshitib, uni anglab olgan kishiga Alloh rahm qilsin. Qanchadan-qancha fiqhni koʻtaruvchi bor — oʻzida fiqh yoʻq; qanchadan-qancha fiqhni koʻtaruvchi bor — uni oʻzidan koʻra faqihroq kishiga (yetkazadi). Bilinglarki, mol-mulklaringiz va qonlaringiz sizlarga mana shu kunning, mana shu oyning, mana shu shaharning hurmati kabi haromdir. Bilinglarki, qalblar uch narsa ustida kek saqlamaydi: amalni Alloh uchun xolis qilish, ish egalariga nasihat qilish va musulmonlar jamoatidan ajralmaslik. Zero, ularning daʼvati oʻz ortidagilarni qamrab oladi».Жубайр ибн Мутъим (розияллоҳу анҳу) Видолашув ҳажида, Арафа куни Расулуллоҳ ﷺнинг хутбаларида ҳозир бўлган: «Эй одамлар! Аллоҳга қасамки, мен билмайман, балки бугунги кунимдан кейин, мана шу жойимда сизлар билан учрашмасман. Бугун менинг сўзимни эшитиб, уни англаб олган кишига Аллоҳ раҳм қилсин. Қанчадан-қанча фиқҳни кўтарувчи бор — ўзида фиқҳ йўқ; қанчадан-қанча фиқҳни кўтарувчи бор — уни ўзидан кўра фақиҳроқ кишига (етказади). Билингларки, мол-мулкларингиз ва қонларингиз сизларга мана шу куннинг, мана шу ойнинг, мана шу шаҳарнинг ҳурмати каби ҳаромдир. Билингларки, қалблар уч нарса устида кек сақламайди: амални Аллоҳ учун холис қилиш, иш эгаларига насиҳат қилиш ва мусулмонлар жамоатидан ажралмаслик. Зеро, уларнинг даъвати ўз ортидагиларни қамраб олади».