Abdulloh ibn az-Zubayr (roziyallohu anhumo)dan rivoyat qilinadi: Ansorlardan bir kishi Harra soyliklari suvi haqida Rasululloh ﷺ huzurida az-Zubayr bilan janjallashdi. Ular xurmo daraxtlarini oʻsha suv bilan sugʻorishardi. Ansoriy: «Suvni qoʻyib yubor, oqib oʻtsin», dedi. Az-Zubayr esa unamadi. Shunda ular Rasululloh ﷺ huzurida daʼvolashdilar. Rasululloh ﷺ: «Ey Zubayr, sugʻor, soʻng suvni qoʻshningga oqizib yubor», dedilar. Ansoriy gʻazablanib: «Ey Allohning Rasuli, u ammangizning oʻgʻli boʻlgani uchunmi?» dedi. Shunda Rasululloh ﷺning yuzlari oʻzgardi, soʻng: «Ey Zubayr, sugʻor, soʻng suvni devor tagigacha yetguncha ushlab tur», dedilar. Az-Zubayr aytdi: «Allohga qasamki, men bu oyat shu haqda nozil boʻlgan deb oʻylayman: {Yoʻq, Robbingga qasamki, ular oʻz oralarida chiqqan nizoda seni hakam qilmagunlaricha, soʻng sen chiqargan hukmdan koʻngillarida hech bir siqilish topmay, unga toʻliq taslim boʻlmagunlaricha, imon keltirgan boʻlmaydilar} (Niso 65)».Абдуллоҳ ибн аз-Зубайр (розияллоҳу анҳумо)дан ривоят қилинади: Ансорлардан бир киши Ҳарра сойликлари суви ҳақида Расулуллоҳ ﷺ ҳузурида аз-Зубайр билан жанжаллашди. Улар хурмо дарахтларини ўша сув билан суғоришарди. Ансорий: «Сувни қўйиб юбор, оқиб ўтсин», деди. Аз-Зубайр эса унамади. Шунда улар Расулуллоҳ ﷺ ҳузурида даъволашдилар. Расулуллоҳ ﷺ: «Эй Зубайр, суғор, сўнг сувни қўшнингга оқизиб юбор», дедилар. Ансорий ғазабланиб: «Эй Аллоҳнинг Расули, у аммангизнинг ўғли бўлгани учунми?» деди. Шунда Расулуллоҳ ﷺнинг юзлари ўзгарди, сўнг: «Эй Зубайр, суғор, сўнг сувни девор тагигача етгунча ушлаб тур», дедилар. Аз-Зубайр айтди: «Аллоҳга қасамки, мен бу оят шу ҳақда нозил бўлган деб ўйлайман: {Йўқ, Роббингга қасамки, улар ўз ораларида чиққан низода сени ҳакам қилмагунларича, сўнг сен чиқарган ҳукмдан кўнгилларида ҳеч бир сиқилиш топмай, унга тўлиқ таслим бўлмагунларича, имон келтирган бўлмайдилар} (Нисо 65)».