Abu Umama ibn Sahl ibn Hunayf (rahimahulloh) shunday deydi: Amir ibn Rabiʼa gʻusl qilib turgan Sahl ibn Hunaynning yonidan oʻtib: «Bugungidek terini, hattoki pardada saqlangan qizning terisini ham koʻrmagan edim», dedi. Koʻp oʻtmay Sahl yiqilib qoldi. Uni Paygʻambar ﷺning huzurlariga olib kelib: «Sahlga yordam bering, u yiqilib qoldi», deyildi. U zot: «Bunga kimni gumon qilyapsizlar?» dedilar. Ular: «Amir ibn Rabiʼani», dedilar. U zot: «Nega biringiz oʻz birodarini oʻldiradi? Biringiz oʻz birodarida oʻziga yoqadigan biror narsani koʻrsa, unga baraka soʻrab duo qilsin», dedilar. Soʻngra suv soʻrab, Amirga taharat qilishni buyurdilar: u yuzini, ikki qoʻlini tirsagigacha, ikki tizzasini va izorining ich tomonini yuvdi, u zot uni Sahlning ustidan quyishga buyurdilar.Абу Умама ибн Саҳл ибн Ҳунайф (раҳимаҳуллоҳ) шундай дейди: Амир ибн Рабиъа ғусл қилиб турган Саҳл ибн Ҳунайннинг ёнидан ўтиб: «Бугунгидек терини, ҳаттоки пардада сақланган қизнинг терисини ҳам кўрмаган эдим», деди. Кўп ўтмай Саҳл йиқилиб қолди. Уни Пайғамбар ﷺнинг ҳузурларига олиб келиб: «Саҳлга ёрдам беринг, у йиқилиб қолди», дейилди. У зот: «Бунга кимни гумон қиляпсизлар?» дедилар. Улар: «Амир ибн Рабиъани», дедилар. У зот: «Нега бирингиз ўз биродарини ўлдиради? Бирингиз ўз биродарида ўзига ёқадиган бирор нарсани кўрса, унга барака сўраб дуо қилсин», дедилар. Сўнгра сув сўраб, Амирга таҳарат қилишни буюрдилар: у юзини, икки қўлини тирсагигача, икки тиззасини ва изорининг ич томонини ювди, у зот уни Саҳлнинг устидан қуйишга буюрдилар.