Usmon ibn Affon (roziyallohu anhu)dan rivoyat qilinadi: Rasululloh ﷺni: «Qaysi bir banda har kunning ertalabi va har kechaning kechqurunida: ‹Bismillahil-laziy la yazurru maʼas-mihi shayʼun fil-arzi va la fis-samaʼi va Huvas-Samiʼul-Aliym (Yer va osmonda Uning ismi ila hech narsa zarar keltira olmas boʻlgan Alloh nomi bilan boshlayman, U eshituvchi, biluvchidir)› deb uch marta aytsa, unga hech narsa zarar keltirmas», deb aytayotganlarini eshitdim. Roviy aytadi: Abonga falaj kasalining bir tomoni yetgan edi, bir kishi unga qarab qoldi. Abon unga: «Menga nega qarayapsan? Hadis men senga aytganimdek boʻlgan, lekin men oʻsha kuni buni aytmagan edim, toki Alloh Oʻz taqdirini menda amalga oshirsin», dedi.Усмон ибн Аффон (розияллоҳу анҳу)дан ривоят қилинади: Расулуллоҳ ﷺни: «Қайси бир банда ҳар куннинг эрталаби ва ҳар кечанинг кечқурунида: ‹Бисмиллаҳил-лазий ла язурру маъас-миҳи шайъун фил-арзи ва ла фис-самаъи ва Ҳувас-Самиъул-Алийм (Ер ва осмонда Унинг исми ила ҳеч нарса зарар келтира олмас бўлган Аллоҳ номи билан бошлайман, У эшитувчи, билувчидир)› деб уч марта айтса, унга ҳеч нарса зарар келтирмас», деб айтаётганларини эшитдим. Ровий айтади: Абонга фалаж касалининг бир томони етган эди, бир киши унга қараб қолди. Абон унга: «Менга нега қараяпсан? Ҳадис мен сенга айтганимдек бўлган, лекин мен ўша куни буни айтмаган эдим, токи Аллоҳ Ўз тақдирини менда амалга оширсин», деди.