حَدَّثَنَا أَحْمَدُ بْنُ عَبْدَةَ، حَدَّثَنَا حَمَّادُ بْنُ زَيْدٍ، عَنْ أَبِي عِمْرَانَ الْجَوْنِيِّ، عَنِ الْمُشَعَّثِ بْنِ طَرِيفٍ، عَنْ عَبْدِ اللَّهِ بْنِ الصَّامِتِ، عَنْ أَبِي ذَرٍّ، قَالَ قَالَ رَسُولُ اللَّهِ ـ صلى الله عليه وسلم ـ " كَيْفَ أَنْتَ يَا أَبَا ذَرٍّ وَمَوْتًا يُصِيبُ النَّاسَ حَتَّى يُقَوَّمَ الْبَيْتُ بِالْوَصِيفِ " . يَعْنِي الْقَبْرَ قُلْتُ مَا خَارَ اللَّهُ لِي وَرَسُولُهُ - أَوْ قَالَ اللَّهُ وَرَسُولُهُ أَعْلَمُ - قَالَ " تَصَبَّرْ " . قَالَ " كَيْفَ أَنْتَ وَجُوعًا يُصِيبُ النَّاسَ حَتَّى تَأْتِيَ مَسْجِدَكَ فَلاَ تَسْتَطِيعَ أَنْ تَرْجِعَ إِلَى فِرَاشِكَ وَلاَ تَسْتَطِيعَ أَنْ تَقُومَ مِنْ فِرَاشِكَ إِلَى مَسْجِدِكَ " . قَالَ قُلْتُ اللَّهُ وَرَسُولُهُ أَعْلَمُ أَوْ - مَا خَارَ اللَّهُ لِي وَرَسُولُهُ - قَالَ " عَلَيْكَ بِالْعِفَّةِ " . ثُمَّ قَالَ " كَيْفَ أَنْتَ وَقَتْلاً يُصِيبُ النَّاسَ حَتَّى تُغْرَقَ حِجَارَةُ الزَّيْتِ بِالدَّمِ " . قُلْتُ مَا خَارَ اللَّهُ لِي وَرَسُولُهُ . قَالَ " الْحَقْ بِمَنْ أَنْتَ مِنْهُ " . قَالَ قُلْتُ يَا رَسُولَ اللَّهِ أَفَلاَ آخُذُ بِسَيْفِي فَأَضْرِبَ بِهِ مَنْ فَعَلَ ذَلِكَ قَالَ " شَارَكْتَ الْقَوْمَ إِذًا وَلَكِنِ ادْخُلْ بَيْتَكَ " . قُلْتُ يَا رَسُولَ اللَّهِ فَإِنْ دُخِلَ بَيْتِي قَالَ " إِنْ خَشِيتَ أَنْ يَبْهَرَكَ شُعَاعُ السَّيْفِ فَأَلْقِ طَرَفَ رِدَائِكَ عَلَى وَجْهِكَ فَيَبُوءَ بِإِثْمِهِ وَإِثْمِكَ فَيَكُونَ مِنْ أَصْحَابِ النَّارِ " .
Abu Zar (roziyallohu anhu)dan rivoyat qilinadi: Rasululloh ﷺ: «Ey Abu Zar, odamlarga shunday oʻlim yetganida, hatto qabr bir gʻulomga baholanadigan boʻlganida sening holing qanday boʻladi?» dedilar. Men: «Alloh va Rasuli men uchun nimani xayrli deb tanlagan boʻlsa, oʻshadir», dedim — yoki: «Alloh va Rasuli bilguvchiroqdir», dedim. U zot: «Sabr qilgin», dedilar. Soʻng: «Odamlarga shunday ochlik yetib, hatto sen masjidingga borsang, oʻrningga qaytishga qodir boʻlmasang, oʻrningdan masjidingga turishga qodir boʻlmasang, holing qanday boʻladi?» dedilar. Men: «Alloh va Rasuli bilguvchiroqdir», — yoki: «Alloh va Rasuli men uchun nimani xayrli deb tanlagan boʻlsa, oʻshadir», dedim. U zot: «Iffatli boʻlishni oʻzingga lozim tut», dedilar. Soʻng: «Odamlarga shunday qatl yetib, hatto Hijoratuz-Zayt qon bilan gʻarq boʻlganida holing qanday boʻladi?» dedilar. Men: «Alloh va Rasuli men uchun nimani xayrli deb tanlagan boʻlsa, oʻshadir», dedim. U zot: «Oʻzing mansub boʻlgan kishilarga qoʻshilgin», dedilar. Men: «Ey Rasululloh, qilichimni olib, buni qilgan kishini ursam boʻlmaydimi?» dedim. U zot: «Unda sen ham u qavmga sherik boʻlasan. Balki uyingga kirib olgin», dedilar. Men: «Ey Rasululloh, agar uyimga kirib kelsalar-chi?» dedim. U zot: «Agar qilich yalqinidan qoʻrqsang, ridongning etagini yuzingga tashlagin. Shunda u oʻz gunohini ham, sening gunohingni ham koʻtarib, doʻzax ahlidan boʻladi», dedilar.Абу Зар (розияллоҳу анҳу)дан ривоят қилинади: Расулуллоҳ ﷺ: «Эй Абу Зар, одамларга шундай ўлим етганида, ҳатто қабр бир ғуломга баҳоланадиган бўлганида сенинг ҳолинг қандай бўлади?» дедилар. Мен: «Аллоҳ ва Расули мен учун нимани хайрли деб танлаган бўлса, ўшадир», дедим — ёки: «Аллоҳ ва Расули билгувчироқдир», дедим. У зот: «Сабр қилгин», дедилар. Сўнг: «Одамларга шундай очлик етиб, ҳатто сен масжидингга борсанг, ўрнингга қайтишга қодир бўлмасанг, ўрнингдан масжидингга туришга қодир бўлмасанг, ҳолинг қандай бўлади?» дедилар. Мен: «Аллоҳ ва Расули билгувчироқдир», — ёки: «Аллоҳ ва Расули мен учун нимани хайрли деб танлаган бўлса, ўшадир», дедим. У зот: «Иффатли бўлишни ўзингга лозим тут», дедилар. Сўнг: «Одамларга шундай қатл етиб, ҳатто Ҳижоратуз-Зайт қон билан ғарқ бўлганида ҳолинг қандай бўлади?» дедилар. Мен: «Аллоҳ ва Расули мен учун нимани хайрли деб танлаган бўлса, ўшадир», дедим. У зот: «Ўзинг мансуб бўлган кишиларга қўшилгин», дедилар. Мен: «Эй Расулуллоҳ, қиличимни олиб, буни қилган кишини урсам бўлмайдими?» дедим. У зот: «Унда сен ҳам у қавмга шерик бўласан. Балки уйингга кириб олгин», дедилар. Мен: «Эй Расулуллоҳ, агар уйимга кириб келсалар-чи?» дедим. У зот: «Агар қилич ялқинидан қўрқсанг, ридонгнинг этагини юзингга ташлагин. Шунда у ўз гуноҳини ҳам, сенинг гуноҳингни ҳам кўтариб, дўзах аҳлидан бўлади», дедилар.