Abu Muso al-Ashariy (roziyallohu anhu)dan rivoyat qilinadi: Rasululloh ﷺ bizga: «Qiyomat oldida haraj boʻladi», dedilar. Men: «Ey Rasululloh, haraj nima?» dedim. U zot: «Qatl», dedilar. Musulmonlardan baʼzilari: «Ey Rasululloh, biz hozir bir yilda mushriklardan buncha-buncha odamni oʻldirmoqdamiz-ku», dedilar. Shunda Rasululloh ﷺ: «Bu mushriklarni oʻldirish emas, balki bir-biringizni oʻldirasiz, hatto kishi qoʻshnisini, amakivachchasini va qarindoshini oʻldiradi», dedilar. Qavmdan baʼzilari: «Ey Rasululloh, oʻsha kunda aqlimiz oʻzimiz bilan boʻladimi?» dedilar. Rasululloh ﷺ: «Oʻsha zamon odamlarining koʻpchiligining aqli olib qoʻyiladi va ularning oʻrniga aqli yoʻq keraksiz odamlar qoladi», dedilar. Soʻng al-Ashariy: «Allohga qasamki, men bu fitna menga ham, sizlarga ham yetadi deb oʻylayman. Allohga qasamki, agar u Paygʻambarimiz ﷺ bizga tayinlagan holatda bizga yetsa, undan biz uchun ham, sizlar uchun ham chiqar yoʻl yoʻqdir, faqat unga kirgan holimizcha chiqmogʻimizdan boshqa», dedi.Абу Мусо ал-Ашарий (розияллоҳу анҳу)дан ривоят қилинади: Расулуллоҳ ﷺ бизга: «Қиёмат олдида ҳараж бўлади», дедилар. Мен: «Эй Расулуллоҳ, ҳараж нима?» дедим. У зот: «Қатл», дедилар. Мусулмонлардан баъзилари: «Эй Расулуллоҳ, биз ҳозир бир йилда мушриклардан бунча-бунча одамни ўлдирмоқдамиз-ку», дедилар. Шунда Расулуллоҳ ﷺ: «Бу мушрикларни ўлдириш эмас, балки бир-бирингизни ўлдирасиз, ҳатто киши қўшнисини, амакиваччасини ва қариндошини ўлдиради», дедилар. Қавмдан баъзилари: «Эй Расулуллоҳ, ўша кунда ақлимиз ўзимиз билан бўладими?» дедилар. Расулуллоҳ ﷺ: «Ўша замон одамларининг кўпчилигининг ақли олиб қўйилади ва уларнинг ўрнига ақли йўқ кераксиз одамлар қолади», дедилар. Сўнг ал-Ашарий: «Аллоҳга қасамки, мен бу фитна менга ҳам, сизларга ҳам етади деб ўйлайман. Аллоҳга қасамки, агар у Пайғамбаримиз ﷺ бизга тайинлаган ҳолатда бизга етса, ундан биз учун ҳам, сизлар учун ҳам чиқар йўл йўқдир, фақат унга кирган ҳолимизча чиқмоғимиздан бошқа», деди.