Huzayfa ibn Yamon (roziyallohu anhu)dan rivoyat qilinadi: Rasululloh ﷺ: «Islom xuddi kiyimning naqshi eskirgani kabi eskiradi, hatto roʻza nima, namoz nima, ibodat nima, sadaqa nima – bilinmay qoladi. Aziz va jalil Allohning kitobi bir kechada koʻtarib olib ketiladi, yer yuzida undan biror oyat qolmaydi. Odamlardan bir toifalar: keksa chollar va kampirlar qolib: ‹Biz ota-bobolarimizni ʼLa ilaha illallohʼ degan bu kalima ustida topdik, biz ham uni aytamiz›, deydilar», dedilar. Sila u zotga: «Namoz nima, roʻza nima, ibodat nima, sadaqa nima – bilmasalar, ʼLa ilaha illallohʼ ularga qanday foyda beradi?» dedi. Huzayfa undan yuz oʻgirdi. Sila savolini unga uch marta qaytardi va har safar Huzayfa undan yuz oʻgirdi. Soʻng uchinchisida unga yuzlanib: «Ey Sila, u ularni doʻzaxdan qutqaradi», dedi. Buni uch marta aytdi.Ҳузайфа ибн Ямон (розияллоҳу анҳу)дан ривоят қилинади: Расулуллоҳ ﷺ: «Ислом худди кийимнинг нақши эскиргани каби эскиради, ҳатто рўза нима, намоз нима, ибодат нима, садақа нима – билинмай қолади. Азиз ва жалил Аллоҳнинг китоби бир кечада кўтариб олиб кетилади, ер юзида ундан бирор оят қолмайди. Одамлардан бир тоифалар: кекса чоллар ва кампирлар қолиб: ‹Биз ота-боболаримизни ъЛа илаҳа иллаллоҳъ деган бу калима устида топдик, биз ҳам уни айтамиз›, дейдилар», дедилар. Сила у зотга: «Намоз нима, рўза нима, ибодат нима, садақа нима – билмасалар, ъЛа илаҳа иллаллоҳъ уларга қандай фойда беради?» деди. Ҳузайфа ундан юз ўгирди. Сила саволини унга уч марта қайтарди ва ҳар сафар Ҳузайфа ундан юз ўгирди. Сўнг учинчисида унга юзланиб: «Эй Сила, у уларни дўзахдан қутқаради», деди. Буни уч марта айтди.