Ubayy ibn Kaʼb (roziyallohu anhu)dan rivoyat qilinadi: Ansorlardan bir kishi bor edi, uning uyi Madinadagi eng uzoq uy edi, shunday boʻlsa-da, u Rasululloh ﷺ bilan namozni qoldirmas edi. Men unga achindim va: «Ey falonchi, sen bir eshak sotib olsang, u seni qizigan qumdan asrasa, notekis yerdan koʻtarsa va yer hasharotlaridan himoya qilsa boʻlmaydimi?» dedim. U: «Allohga qasamki, men uyim Muhammadning ﷺ uyi yoniga tegib turishini yaxshi koʻrmayman», dedi. Bu meni tashvishga soldi, hatto Paygʻambar ﷺning uyiga kelib, buni u zotga aytdim. U zot uni chaqirib soʻradilar, u ham shunga oʻxshash gapni aytdi va oʻz izlari (qadamlari) evaziga ajr umid qilishini bildirdi. Shunda Rasululloh ﷺ: «Albatta, sen niyat qilgan narsang senga bordir», dedilar.Убайй ибн Каъб (розияллоҳу анҳу)дан ривоят қилинади: Ансорлардан бир киши бор эди, унинг уйи Мадинадаги энг узоқ уй эди, шундай бўлса-да, у Расулуллоҳ ﷺ билан намозни қолдирмас эди. Мен унга ачиндим ва: «Эй фалончи, сен бир эшак сотиб олсанг, у сени қизиган қумдан асраса, нотекис ердан кўтарса ва ер ҳашаротларидан ҳимоя қилса бўлмайдими?» дедим. У: «Аллоҳга қасамки, мен уйим Муҳаммаднинг ﷺ уйи ёнига тегиб туришини яхши кўрмайман», деди. Бу мени ташвишга солди, ҳатто Пайғамбар ﷺнинг уйига келиб, буни у зотга айтдим. У зот уни чақириб сўрадилар, у ҳам шунга ўхшаш гапни айтди ва ўз излари (қадамлари) эвазига ажр умид қилишини билдирди. Шунда Расулуллоҳ ﷺ: «Албатта, сен ният қилган нарсанг сенга бордир», дедилар.