Abu Hurayra (roziyallohu anhu)dan rivoyat qilinadiki, bir kishi masjidga kirib namoz oʻqidi, Rasululloh ﷺ esa masjidning bir chekkasida edilar. Soʻng u kelib salom berdi. U zot: «Va alayka. Qaytib namozingni oʻqi, chunki sen namoz oʻqimading», dedilar. U qaytib namoz oʻqidi, soʻng kelib Paygʻambar ﷺ ga salom berdi. U zot: «Va alayka. Qaytib namozingni oʻqi, chunki sen hali namoz oʻqimading», dedilar. Uchinchi martasida u: «Ey Rasululloh, menga oʻrgating», dedi. U zot: «Namozga turganingda taharatni mukammal qil, soʻng qiblaga yuzlan va takbir ayt, soʻng Qurʻondan senga oson boʻlganini oʻqi, soʻng ruku qilib, rukuda tinchlan, soʻng koʻtarilib, tik turgan holingda tinchlan, soʻng sajda qilib, sajdada tinchlan, soʻng boshingni koʻtarib, oʻtirgan holingda tinchlan, soʻng butun namozingda shunday qil», dedilar.Абу Ҳурайра (розияллоҳу анҳу)дан ривоят қилинадики, бир киши масжидга кириб намоз ўқиди, Расулуллоҳ ﷺ эса масжиднинг бир чеккасида эдилар. Сўнг у келиб салом берди. У зот: «Ва алайка. Қайтиб намозингни ўқи, чунки сен намоз ўқимадинг», дедилар. У қайтиб намоз ўқиди, сўнг келиб Пайғамбар ﷺ га салом берди. У зот: «Ва алайка. Қайтиб намозингни ўқи, чунки сен ҳали намоз ўқимадинг», дедилар. Учинчи мартасида у: «Эй Расулуллоҳ, менга ўргатинг», деди. У зот: «Намозга турганингда таҳаратни мукаммал қил, сўнг қиблага юзлан ва такбир айт, сўнг Қуръондан сенга осон бўлганини ўқи, сўнг руку қилиб, рукуда тинчлан, сўнг кўтарилиб, тик турган ҳолингда тинчлан, сўнг сажда қилиб, саждада тинчлан, сўнг бошингни кўтариб, ўтирган ҳолингда тинчлан, сўнг бутун намозингда шундай қил», дедилар.