Safiyya bint Huyay (roziyallohu anho)dan rivoyat qilinadiki, u Rasululloh ﷺni ziyorat qilgani keldi. U zot Ramazon oyining oxirgi oʻn kunligida masjidda iʼtikofda edilar. U xufton vaqtida u zotning huzurlarida bir muddat suhbatlashdi, soʻng qaytish uchun turdi. Rasululloh ﷺ ham uni kuzatib qoʻyish uchun u bilan turdilar. U ayol Umms Salama (roziyallohu anho)ning turar joyi yonidagi masjid eshigiga yetganda, ular ikkovining oldidan ansorlardan ikki kishi oʻtib qoldi. Ular Rasululloh ﷺga salom berib, oʻtib ketdilar. Shunda Rasululloh ﷺ ularga: «Shoshilmang, bu Safiyya bint Huyaydir», dedilar. Ular: «Subhanalloh, ey Rasululloh!» dedilar va bu ularga ogʻir botdi. Rasululloh ﷺ: «Shayton inson ichida qon yurgani kabi yuradi. Men u ikkovingizning qalblaringizga biror narsa solib qoʻyishidan qoʻrqdim», dedilar.Сафийя бинт Ҳуяй (розияллоҳу анҳо)дан ривоят қилинадики, у Расулуллоҳ ﷺни зиёрат қилгани келди. У зот Рамазон ойининг охирги ўн кунлигида масжидда иътикофда эдилар. У хуфтон вақтида у зотнинг ҳузурларида бир муддат суҳбатлашди, сўнг қайтиш учун турди. Расулуллоҳ ﷺ ҳам уни кузатиб қўйиш учун у билан турдилар. У аёл Уммс Салама (розияллоҳу анҳо)нинг турар жойи ёнидаги масжид эшигига етганда, улар икковининг олдидан ансорлардан икки киши ўтиб қолди. Улар Расулуллоҳ ﷺга салом бериб, ўтиб кетдилар. Шунда Расулуллоҳ ﷺ уларга: «Шошилманг, бу Сафийя бинт Ҳуяйдир», дедилар. Улар: «Субҳаналлоҳ, эй Расулуллоҳ!» дедилар ва бу уларга оғир ботди. Расулуллоҳ ﷺ: «Шайтон инсон ичида қон юргани каби юради. Мен у икковингизнинг қалбларингизга бирор нарса солиб қўйишидан қўрқдим», дедилар.