Baro ibn Ozib (roziyallohu anhu)dan rivoyat qilinadi: U {Va sizlar uchun yerdan chiqargan narsalarimizdan (infoq qilinglar). Uning yomonini infoq qilishga qasd qilmanglar} (Baqara 267) oyati haqida shunday dedi: «Bu oyat ansorlar haqida nozil boʻlgan. Ansorlar xurmo terimi payti bogʻlaridan xom-pishgan xurmo shingillarini olib chiqib, Rasululloh ﷺ ning masjidida ikki ustun orasidagi arqonga osib qoʻyar, muhojirlarning kambagʻallari undan yer edilar. Ulardan biri esa, osilgan shingillar koʻp boʻlgani uchun joizdir deb oʻylab, atay yomon, quruq xurmo shingilini kiritib qoʻyar edi. Shunday qilgan kishi haqida {Uning yomonini infoq qilishga qasd qilmanglar} oyati nozil boʻldi, yaʼni: undan quruq, yomonini infoq qilishga qasd qilmanglar. {Oʻzingiz esa koʻz yumib turmaguningizcha uni olmagan boʻlar edingiz} — yaʼni agar bu sizga hadya qilinsa, egasidan uyalgan holdagina, sizga hojatingiz boʻlmagan narsani yuborganidan gʻazablangan holda olardingiz. Va bilingki, Alloh sizlarning sadaqalaringizdan behojatdir».Баро ибн Озиб (розияллоҳу анҳу)дан ривоят қилинади: У {Ва сизлар учун ердан чиқарган нарсаларимиздан (инфоқ қилинглар). Унинг ёмонини инфоқ қилишга қасд қилманглар} (Бақара 267) ояти ҳақида шундай деди: «Бу оят ансорлар ҳақида нозил бўлган. Ансорлар хурмо терими пайти боғларидан хом-пишган хурмо шингилларини олиб чиқиб, Расулуллоҳ ﷺ нинг масжидида икки устун орасидаги арқонга осиб қўяр, муҳожирларнинг камбағаллари ундан ер эдилар. Улардан бири эса, осилган шингиллар кўп бўлгани учун жоиздир деб ўйлаб, атай ёмон, қуруқ хурмо шингилини киритиб қўяр эди. Шундай қилган киши ҳақида {Унинг ёмонини инфоқ қилишга қасд қилманглар} ояти нозил бўлди, яъни: ундан қуруқ, ёмонини инфоқ қилишга қасд қилманглар. {Ўзингиз эса кўз юмиб турмагунингизча уни олмаган бўлар эдингиз} — яъни агар бу сизга ҳадя қилинса, эгасидан уялган ҳолдагина, сизга ҳожатингиз бўлмаган нарсани юборганидан ғазабланган ҳолда олардингиз. Ва билингки, Аллоҳ сизларнинг садақаларингиздан беҳожатдир».