Al-Ahvas (roziyallohu anhu)dan rivoyat qilinadi: U Rasululloh ﷺ bilan Vidolashuv hajida hozir boʻlgan edi. U zot Allohga hamd aytib, Uni ulugʻladilar, eslatib nasihat qildilar, soʻng: «Ayollarga yaxshi muomala qilishni bir-biringizga tavsiya etinglar, chunki ular sizlarning huzuringizda asirlardir. Ochiq-oydin fahsh ish qilmasalar, ulardan bundan boshqa narsaga egalik qilmaysizlar. Agar shunday qilsalar, ularni yotoqlarida tark etinglar va ozor bermaydigan, iz qoldirmaydigan tarzda urib qoʻyinglar. Agar sizlarga itoat etsalar, ularga qarshi yoʻl izlamanglar. Sizlarning ayollaringiz ustida haqqingiz bor, ayollaringizning ham sizlar ustida haqqi bor. Ammo sizlarning ular ustidagi haqqingiz, ular sizlar yoqtirmaydigan kishini toʻshaklaringizga oyoq bostirmasliklari va uylaringizga sizlar yoqtirmaydigan kishini kiritishga ruxsat bermasliklaridir. Ogoh boʻlinglar, ularning sizlar ustidagi haqqi esa, ularning kiyimi va taomida yaxshilik qilishlaringizdir», dedilar.Ал-Аҳвас (розияллоҳу анҳу)дан ривоят қилинади: У Расулуллоҳ ﷺ билан Видолашув ҳажида ҳозир бўлган эди. У зот Аллоҳга ҳамд айтиб, Уни улуғладилар, эслатиб насиҳат қилдилар, сўнг: «Аёлларга яхши муомала қилишни бир-бирингизга тавсия этинглар, чунки улар сизларнинг ҳузурингизда асирлардир. Очиқ-ойдин фаҳш иш қилмасалар, улардан бундан бошқа нарсага эгалик қилмайсизлар. Агар шундай қилсалар, уларни ётоқларида тарк этинглар ва озор бермайдиган, из қолдирмайдиган тарзда уриб қўйинглар. Агар сизларга итоат этсалар, уларга қарши йўл изламанглар. Сизларнинг аёлларингиз устида ҳаққингиз бор, аёлларингизнинг ҳам сизлар устида ҳаққи бор. Аммо сизларнинг улар устидаги ҳаққингиз, улар сизлар ёқтирмайдиган кишини тўшакларингизга оёқ бостирмасликлари ва уйларингизга сизлар ёқтирмайдиган кишини киритишга рухсат бермасликларидир. Огоҳ бўлинглар, уларнинг сизлар устидаги ҳаққи эса, уларнинг кийими ва таомида яхшилик қилишларингиздир», дедилар.