Burayda (roziyallohu anhu) shunday dedi: Bir kuni bir hojat uchun yoʻlga chiqdim, shunda Rasululloh ﷺ ketayotgan ekanlar. Men u zotni hojatni koʻzlayaptilar, deb oʻyladim-da, oʻzimni chetga ola boshladim. Nihoyat, u zot meni koʻrgunlaricha shunday qilib turdim. U zot menga ishora qildilar, men keldim. U zot qoʻlimdan ushladilar va birga yura ketdik. Shunda oldimizda bir kishi namoz oʻqib, rukuʼ va sajdani koʻp qilayotgan edi. Rasululloh ﷺ: «Uni riyo qilyapti deb oʻylaysanmi?» dedilar. Men: «Alloh va Uning Rasuli bilguvchiroqdir», dedim. (Burayda) dedi: Shunda u zot qoʻlimni qoʻyib yubordilar va ikki qoʻllarini uch marta bir-biriga qovushtirdilar, qoʻllarini koʻtarib, tushirib: «Meʼyorli yoʻlni lozim tutinglar! Meʼyorli yoʻlni lozim tutinglar! Meʼyorli yoʻlni lozim tutinglar! Chunki kim bu dinni (haddan oshib) qattiq tutsa, u uni yengib qoʻyadi», der edilar. Bu Muʼammalning hadisining lafzidir. Davraqiy: «Chunki kim bu dinni qattiq tutsa, u uni yengib qoʻyadi», demadi.Бурайда (розияллоҳу анҳу) шундай деди: Бир куни бир ҳожат учун йўлга чиқдим, шунда Расулуллоҳ ﷺ кетаётган эканлар. Мен у зотни ҳожатни кўзлаяптилар, деб ўйладим-да, ўзимни четга ола бошладим. Ниҳоят, у зот мени кўргунларича шундай қилиб турдим. У зот менга ишора қилдилар, мен келдим. У зот қўлимдан ушладилар ва бирга юра кетдик. Шунда олдимизда бир киши намоз ўқиб, рукуъ ва саждани кўп қилаётган эди. Расулуллоҳ ﷺ: «Уни риё қиляпти деб ўйлайсанми?» дедилар. Мен: «Аллоҳ ва Унинг Расули билгувчироқдир», дедим. (Бурайда) деди: Шунда у зот қўлимни қўйиб юбордилар ва икки қўлларини уч марта бир-бирига қовуштирдилар, қўлларини кўтариб, тушириб: «Меъёрли йўлни лозим тутинглар! Меъёрли йўлни лозим тутинглар! Меъёрли йўлни лозим тутинглар! Чунки ким бу динни (ҳаддан ошиб) қаттиқ тутса, у уни енгиб қўяди», дер эдилар. Бу Муъаммалнинг ҳадисининг лафзидир. Даврақий: «Чунки ким бу динни қаттиқ тутса, у уни енгиб қўяди», демади.