Umm Salama (roziyallohu anho) aytdi: Rasululloh ﷺ asrdan keyin huzurimga kirib, ikki rakaat namoz oʻqidilar. Men: «Ey Allohning Rasuli, bu qanday namoz? Siz uni oʻqimas edingiz-ku», dedim. U zot: «Banu Tamimdan bir vakillar keldi va ular meni peshindan keyin oʻqiydigan ikki rakaatimdan mashgʻul qilib qoʻyishdi», dedilar. Bu xabarning yoʻllarini men «al-Kabir» kitobida chiqarganman. Abu Bakr aytdi: Demak, Nabiy ﷺ peshindan keyin oʻqib turgan ikki rakaatning qazosi sifatida asrdan keyin ikki rakaat nafl oʻqiganlar. Agar u zotning asrdan keyin quyosh botguncha namoz oʻqishdan qaytarishlari barcha nafllarni (qamrab olgan) boʻlganda edi, peshindan keyin oʻqib turgan ikki rakaatni qazo qilib, ularni asrdan keyin oʻqishlari joiz boʻlmas edi. U zot ularni nafl amalga davom qilishni yaxshi koʻrganlari uchun oʻqidilar; chunki u zot ﷺ amallarning eng afzali — eng davomlisi ekanini xabar berganlar va u zot ﷺ bir amalni qilsalar, unga davom qilishni yaxshi koʻrar edilar.Умм Салама (розияллоҳу анҳо) айтди: Расулуллоҳ ﷺ асрдан кейин ҳузуримга кириб, икки ракаат намоз ўқидилар. Мен: «Эй Аллоҳнинг Расули, бу қандай намоз? Сиз уни ўқимас эдингиз-ку», дедим. У зот: «Бану Тамимдан бир вакиллар келди ва улар мени пешиндан кейин ўқийдиган икки ракаатимдан машғул қилиб қўйишди», дедилар. Бу хабарнинг йўлларини мен «ал-Кабир» китобида чиқарганман. Абу Бакр айтди: Демак, Набий ﷺ пешиндан кейин ўқиб турган икки ракаатнинг қазоси сифатида асрдан кейин икки ракаат нафл ўқиганлар. Агар у зотнинг асрдан кейин қуёш ботгунча намоз ўқишдан қайтаришлари барча нафлларни (қамраб олган) бўлганда эди, пешиндан кейин ўқиб турган икки ракаатни қазо қилиб, уларни асрдан кейин ўқишлари жоиз бўлмас эди. У зот уларни нафл амалга давом қилишни яхши кўрганлари учун ўқидилар; чунки у зот ﷺ амалларнинг энг афзали — энг давомлиси эканини хабар берганлар ва у зот ﷺ бир амални қилсалар, унга давом қилишни яхши кўрар эдилар.