Jobir ibn Abdulloh (roziyallohu anhumo)dan rivoyat qilinadi: Rasululloh ﷺ zamonlarida juda issiq bir kunda quyosh tutildi. Shunda u zot ashoblari bilan namoz oʻqidilar va qiyomni shunchalik uzaytirdilarki, hatto (ashoblar) yiqila boshladilar. Soʻng rukuʼ qilib, uni uzaytirdilar, soʻng (boshlarini) koʻtarib, uni uzaytirdilar, soʻng ikki sajda qildilar. Soʻng turib, yana shunga oʻxshash qildilar — shunday qilib, (namoz) toʻrt rukuʼ va toʻrt sajda boʻldi. Soʻng: «Albatta, sizlarga vaʼda qilinayotgan har bir narsa menga koʻrsatildi», dedilar — va (rovi) hadisni toʻlaligicha zikr qildi — hamda: «Ular: ‹Albatta, quyosh va oy faqat bironta ulugʻ kishining oʻlimi sababli tutiladi›, der edilar. Holbuki, ular Allohning oyatlaridan ikki oyatdir, (Alloh) ularni sizlarga koʻrsatadi. Bas, ular tutilsa, ochilguncha namoz oʻqinglar», dedilar.Жобир ибн Абдуллоҳ (розияллоҳу анҳумо)дан ривоят қилинади: Расулуллоҳ ﷺ замонларида жуда иссиқ бир кунда қуёш тутилди. Шунда у зот ашоблари билан намоз ўқидилар ва қиёмни шунчалик узайтирдиларки, ҳатто (ашоблар) йиқила бошладилар. Сўнг рукуъ қилиб, уни узайтирдилар, сўнг (бошларини) кўтариб, уни узайтирдилар, сўнг икки сажда қилдилар. Сўнг туриб, яна шунга ўхшаш қилдилар — шундай қилиб, (намоз) тўрт рукуъ ва тўрт сажда бўлди. Сўнг: «Албатта, сизларга ваъда қилинаётган ҳар бир нарса менга кўрсатилди», дедилар — ва (рови) ҳадисни тўлалигича зикр қилди — ҳамда: «Улар: ‹Албатта, қуёш ва ой фақат биронта улуғ кишининг ўлими сабабли тутилади›, дер эдилар. Ҳолбуки, улар Аллоҳнинг оятларидан икки оятдир, (Аллоҳ) уларни сизларга кўрсатади. Бас, улар тутилса, очилгунча намоз ўқинглар», дедилар.