Oisha (roziyallohu anho)dan rivoyat qilinadiki, u shunday dedi: Rasululloh ﷺ zamonlarida quyosh tutildi. Rasululloh ﷺ namozga turdilar, soʻng ovoz chiqarib qiroat qildilar, soʻng oʻqiganlari miqdoricha rukuʼ qildilar, soʻng boshlarini koʻtarib, oʻsha qiroatlari miqdoricha oʻqidilar, soʻng oʻqiganlari miqdoricha rukuʼ qildilar, soʻng boshlarini koʻtarib, sajda qildilar. Soʻng ikkinchi rakatga turib, birinchisida qilgan ishlarini qildilar. Soʻng: «Albatta, quyosh va oy Allohning oyatlaridan ikki oyatdir; ular biror insonning oʻlimi sababli tutilmaydi. Bas, shunday boʻlsa, namozga shoshilinglar», dedilar. (Rovi) aytdi: Bu — oʻsha kuni Ibrohim vafot etgani sababli edi; odamlar: «Bu faqat Ibrohimning oʻlimi sababli boʻldi», deyishgan edi.Оиша (розияллоҳу анҳо)дан ривоят қилинадики, у шундай деди: Расулуллоҳ ﷺ замонларида қуёш тутилди. Расулуллоҳ ﷺ намозга турдилар, сўнг овоз чиқариб қироат қилдилар, сўнг ўқиганлари миқдорича рукуъ қилдилар, сўнг бошларини кўтариб, ўша қироатлари миқдорича ўқидилар, сўнг ўқиганлари миқдорича рукуъ қилдилар, сўнг бошларини кўтариб, сажда қилдилар. Сўнг иккинчи ракатга туриб, биринчисида қилган ишларини қилдилар. Сўнг: «Албатта, қуёш ва ой Аллоҳнинг оятларидан икки оятдир; улар бирор инсоннинг ўлими сабабли тутилмайди. Бас, шундай бўлса, намозга шошилинглар», дедилар. (Рови) айтди: Бу — ўша куни Иброҳим вафот этгани сабабли эди; одамлар: «Бу фақат Иброҳимнинг ўлими сабабли бўлди», дейишган эди.