Jobir (roziyallohu anhu) aytdi: Rasululloh ﷺ kasal boʻldilar. Biz ularning ortida namoz oʻqidik, u zot esa oʻtirgan holda edilar. Abu Bakr takbir aytar, odamlar uning takbirini eshitar edi. U zot bizga oʻgirilib, tik turganimizni koʻrdilar-da, bizga ishora qildilar, biz oʻtirdik. Salom berganlarida: «Hozirgina siz forslar va rumliklarning ishini qilayozdingiz — ular podshohlari oʻtirganida ular oldida tik turadilar. Bunday qilmanglar, imomlaringizga ergashinglar: imom tik turib oʻqisa, siz ham tik turib oʻqinglar; oʻtirib oʻqisa, siz ham oʻtirib oʻqinglar», dedilar. Sahl ibn Hanzaliyaning Nabiy ﷺ Anas ibn Abu Marsadni ularni qoʻriqlash uchun yuborganlari haqidagi xabarida u aytdi: Nabiy ﷺ togʻ oraligʻiga qarab oʻgirilaverdilar, namozlarini tugatib salom berganlarida menga: «Suyunchi boʻlsin, otliqlaringiz keldi», dedilar.Жобир (розияллоҳу анҳу) айтди: Расулуллоҳ ﷺ касал бўлдилар. Биз уларнинг ортида намоз ўқидик, у зот эса ўтирган ҳолда эдилар. Абу Бакр такбир айтар, одамлар унинг такбирини эшитар эди. У зот бизга ўгирилиб, тик турганимизни кўрдилар-да, бизга ишора қилдилар, биз ўтирдик. Салом берганларида: «Ҳозиргина сиз форслар ва румликларнинг ишини қилаёздингиз — улар подшоҳлари ўтирганида улар олдида тик турадилар. Бундай қилманглар, имомларингизга эргашинглар: имом тик туриб ўқиса, сиз ҳам тик туриб ўқинглар; ўтириб ўқиса, сиз ҳам ўтириб ўқинглар», дедилар. Саҳл ибн Ҳанзалиянинг Набий ﷺ Анас ибн Абу Марсадни уларни қўриқлаш учун юборганлари ҳақидаги хабарида у айтди: Набий ﷺ тоғ оралиғига қараб ўгирилавердилар, намозларини тугатиб салом берганларида менга: «Суюнчи бўлсин, отлиқларингиз келди», дедилар.