Ibn Abbos (roziyallohu anhumo) aytdi: Abdulqays elchilari Rasululloh ﷺning huzurlariga keldilar-da: «Ey Allohning Rasuli, bu qabila Rabiadandir; biz bilan sizning orangizda Muzar kofirlari toʻsiq boʻlgan va biz sizga faqat harom oyda yetib kela olamiz. Bas, bizga oʻzimiz oladigan va ortimizdagilarni daʼvat qiladigan biror narsani buyuring», dedilar. U zot: «Sizlarni toʻrt narsaga buyuraman va toʻrt narsadan qaytaraman. Sizlarni Allohga iymon keltirishga, Allohdan boshqa iloh yoʻqligiga guvohlik berishga, namozni toʻkis ado etishga, zakot berishga va oʻlja qilgan narsangizning beshdan birini topshirishga buyuraman; sizlarni dubbo, hantam, naqir va muzaffatdan qaytaraman», dedilar. Boshqa bir rivoyatda Ibn Abbos: Abdulqays elchilari Rasululloh ﷺning huzurlariga keldilar, deb shunga oʻxshashini (aytdi) va: «Allohga iymon keltirish», dedi, soʻng u zot buni ularga: «Allohdan boshqa iloh yoʻqligiga va Muhammad Allohning Rasuli ekaniga guvohlik berish», deb tafsir qildilar, dedi — soʻng u hadisni toʻliq zikr qildi.Ибн Аббос (розияллоҳу анҳумо) айтди: Абдулқайс элчилари Расулуллоҳ ﷺнинг ҳузурларига келдилар-да: «Эй Аллоҳнинг Расули, бу қабила Рабиадандир; биз билан сизнинг орангизда Музар кофирлари тўсиқ бўлган ва биз сизга фақат ҳаром ойда етиб кела оламиз. Бас, бизга ўзимиз оладиган ва ортимиздагиларни даъват қиладиган бирор нарсани буюринг», дедилар. У зот: «Сизларни тўрт нарсага буюраман ва тўрт нарсадан қайтараман. Сизларни Аллоҳга иймон келтиришга, Аллоҳдан бошқа илоҳ йўқлигига гувоҳлик беришга, намозни тўкис адо этишга, закот беришга ва ўлжа қилган нарсангизнинг бешдан бирини топширишга буюраман; сизларни дуббо, ҳантам, нақир ва музаффатдан қайтараман», дедилар. Бошқа бир ривоятда Ибн Аббос: Абдулқайс элчилари Расулуллоҳ ﷺнинг ҳузурларига келдилар, деб шунга ўхшашини (айтди) ва: «Аллоҳга иймон келтириш», деди, сўнг у зот буни уларга: «Аллоҳдан бошқа илоҳ йўқлигига ва Муҳаммад Аллоҳнинг Расули эканига гувоҳлик бериш», деб тафсир қилдилар, деди — сўнг у ҳадисни тўлиқ зикр қилди.