Muhammad ibn Ali aytdi: Biz Jobir ibn Abdullohning oldiga keldik va undan Nabiy ﷺning haji haqida soʻradik. — Va u hadisning bir qismini zikr qildi: — Soʻng Hajarga qaytib, uni istilom qildilar va Safoga chiqdilar hamda: «Alloh buyurgan narsadan boshlayman», dedilar va: {Albatta, Safo va Marva Alloh shiorlaridandir}, deb oʻqidilar. Safoga koʻtarildilar, nihoyat Baytga qaraganlarida uch marta takbir aytdilar va: «La ilaha illalloh, vahdahu la sharika lah, lahul-mulku va lahul-hamd, va huva alaa kulli shayin qodiyr; la ilaha illalloh, anjaza vaʼdah, va nasara abdah, va gʻalabal-ahzoba vahdah», dedilar. Soʻng bu soʻzni uch marta qaytardilar. Keyin tushdilar, nihoyat oyoqlari vodiy pastligiga yetganda saʼy qildilar; koʻtarilganlarida esa yurdilar, nihoyat Marvaga kelib, unga chiqdilar va Baytga qaraganlarida unda ham Safoda aytgan (soʻzlarini) aytdilar.Муҳаммад ибн Али айтди: Биз Жобир ибн Абдуллоҳнинг олдига келдик ва ундан Набий ﷺнинг ҳажи ҳақида сўрадик. — Ва у ҳадиснинг бир қисмини зикр қилди: — Сўнг Ҳажарга қайтиб, уни истилом қилдилар ва Сафога чиқдилар ҳамда: «Аллоҳ буюрган нарсадан бошлайман», дедилар ва: {Албатта, Сафо ва Марва Аллоҳ шиорларидандир}, деб ўқидилар. Сафога кўтарилдилар, ниҳоят Байтга қараганларида уч марта такбир айтдилар ва: «Ла илаҳа иллаллоҳ, ваҳдаҳу ла шарика лаҳ, лаҳул-мулку ва лаҳул-ҳамд, ва ҳува алаа кулли шайин қодийр; ла илаҳа иллаллоҳ, анжаза ваъдаҳ, ва насара абдаҳ, ва ғалабал-аҳзоба ваҳдаҳ», дедилар. Сўнг бу сўзни уч марта қайтардилар. Кейин тушдилар, ниҳоят оёқлари водий пастлигига етганда саъй қилдилар; кўтарилганларида эса юрдилар, ниҳоят Марвага келиб, унга чиқдилар ва Байтга қараганларида унда ҳам Сафода айтган (сўзларини) айтдилар.