وَعَن عمرَان بن حضين: إِن رجلَيْنِ من مزينة أَتَيَا رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَا يَا رَسُولَ اللَّهِ أَرَأَيْتَ مَا يَعْمَلُ النَّاسُ الْيَوْمَ وَيَكْدَحُونَ فِيهِ أَشِيءٌ قُضِيَ عَلَيْهِمْ وَمَضَى فيهم من قدر قد سَبَقَ أَوْ فِيمَا يَسْتَقْبِلُونَ بِهِ مِمَّا أَتَاهُمْ بِهِ نَبِيُّهُمْ وَثَبَتَتِ الْحُجَّةُ عَلَيْهِمْ فَقَالَ لَا بَلْ شَيْءٌ قُضِيَ عَلَيْهِمْ وَمَضَى فِيهِمْ وَتَصْدِيقُ ذَلِكَ فِي كِتَابِ اللَّهِ عَزَّ وَجَلَّ (وَنَفْسٍ وَمَا سواهَا فألهمها فجورها وتقواها) رَوَاهُ مُسلم
Imron ibn Husayn (roziyallohu anhu)dan rivoyat qilinadi: Imron ibn Husayn (Abul-Asvadga) aytdi: «Sen nima deysan: bugun odamlar qilayotgan va astoydil urinayotgan ishlar — bu (azaldan) ular uchun hukm qilinib, ilgari oʻtgan taqdirdanmi, yoki Paygʻambarlari keltirgan va ularga hujjat boʻlib qolgan narsadan kelajakda yuz beradigan ishmi?» (Abul-Asvad): Men: «Yoʻq, bu ular uchun hukm qilinib, ilgari oʻtgan ishdir», — dedim. U: «Unda bu zulm boʻlmaydimi?» — dedi. Men bundan qattiq qoʻrqib ketdim va: «Hamma narsa Allohning yaratgani va Uning qoʻlidagi mulkidir. U qilgan ishidan soʻralmaydi, ammo ular soʻraladilar», — dedim. Shunda u menga: «Alloh senga rahm qilsin! Men senga bu savolni faqat aqlingni sinab koʻrish uchun bergan edim. Muzayna (qabilasi)dan ikki kishi Rasululloh ﷺ huzuriga kelib: ‹Yo Rasululloh! Sen nima deysan: bugun odamlar qilayotgan va astoydil urinayotgan ishlar — bu ular uchun hukm qilinib, ilgari oʻtgan taqdirdanmi, yoki Paygʻambarlari keltirgan va ularga hujjat boʻlib qolgan narsadan kelajakda yuz beradigan ishmi?› — deb soʻradilar. U zot: ‹Yoʻq, balki bu ular uchun hukm qilinib, ilgari oʻtgan ishdir. Buning tasdigʻi esa azizu jalil Allohning Kitobidadir: {Nafsga va uni (tekis qilib) yaratgan Zotga qasamki, bas, U unga fojirligi va taqvosini ilhom qildi}» — (Shams 7-8), — dedilar», — dedi.Имрон ибн Ҳусайн (розияллоҳу анҳу)дан ривоят қилинади: Имрон ибн Ҳусайн (Абул-Асвадга) айтди: «Сен нима дейсан: бугун одамлар қилаётган ва астойдил уринаётган ишлар — бу (азалдан) улар учун ҳукм қилиниб, илгари ўтган тақдирданми, ёки Пайғамбарлари келтирган ва уларга ҳужжат бўлиб қолган нарсадан келажакда юз берадиган ишми?» (Абул-Асвад): Мен: «Йўқ, бу улар учун ҳукм қилиниб, илгари ўтган ишдир», — дедим. У: «Унда бу зулм бўлмайдими?» — деди. Мен бундан қаттиқ қўрқиб кетдим ва: «Ҳамма нарса Аллоҳнинг яратгани ва Унинг қўлидаги мулкидир. У қилган ишидан сўралмайди, аммо улар сўраладилар», — дедим. Шунда у менга: «Аллоҳ сенга раҳм қилсин! Мен сенга бу саволни фақат ақлингни синаб кўриш учун берган эдим. Музайна (қабиласи)дан икки киши Расулуллоҳ ﷺ ҳузурига келиб: ‹Ё Расулуллоҳ! Сен нима дейсан: бугун одамлар қилаётган ва астойдил уринаётган ишлар — бу улар учун ҳукм қилиниб, илгари ўтган тақдирданми, ёки Пайғамбарлари келтирган ва уларга ҳужжат бўлиб қолган нарсадан келажакда юз берадиган ишми?› — деб сўрадилар. У зот: ‹Йўқ, балки бу улар учун ҳукм қилиниб, илгари ўтган ишдир. Бунинг тасдиғи эса азизу жалил Аллоҳнинг Китобидадир: {Нафсга ва уни (текис қилиб) яратган Зотга қасамки, бас, У унга фожирлиги ва тақвосини илҳом қилди}» — (Шамс 7-8), — дедилар», — деди.