Maymuna (roziyallohu anho)dan rivoyat qilinadi: bir kuni Rasululloh ﷺ gʻamgin, oʻyga botgan holda tongni qarshi oldilar. Shunda Maymuna: «Yo Rasululloh! Bugun sizning ahvolingizni gʻalati koʻrib qoldim», dedi. Rasululloh ﷺ: «Jibril menga bu kecha uchrashishni vaʼda qilgan edi, ammo menga uchramadi. Ogoh boʻl, Allohga qasamki, u menga (bergan vaʼdasiga) hech xilof qilmagan edi», dedilar. (Rovi) dedi: Rasululloh ﷺ oʻsha kunini shu (gʻamgin) holatda oʻtkazdilar. Soʻng koʻngillariga bizning chodirimiz tagida bir kuchuk bolasi borligi tushdi. Shunda buyurib, uni chiqarib tashlatdilar, soʻng qoʻllariga suv olib, oʻsha joyga sepdilar. Kech kirganda Jibril ularga uchrab: «Sen menga oʻtgan kecha uchrashishni vaʼda qilgan eding», dedi. (Jibril) dedi: «Ha, lekin biz ichida it yoki surat boʻlgan uyga kirmaymiz». Shunda Rasululloh ﷺ oʻsha kuni tongni qarshi olib, itlarni oʻldirishga buyurdilar, hatto bogʻcha-kichik bogʻ itini oʻldirishga buyurib, katta bogʻ (qoʻrigʻining) itini tark etadigan boʻldilar.Маймуна (розияллоҳу анҳо)дан ривоят қилинади: бир куни Расулуллоҳ ﷺ ғамгин, ўйга ботган ҳолда тонгни қарши олдилар. Шунда Маймуна: «Ё Расулуллоҳ! Бугун сизнинг аҳволингизни ғалати кўриб қолдим», деди. Расулуллоҳ ﷺ: «Жибрил менга бу кеча учрашишни ваъда қилган эди, аммо менга учрамади. Огоҳ бўл, Аллоҳга қасамки, у менга (берган ваъдасига) ҳеч хилоф қилмаган эди», дедилар. (Рови) деди: Расулуллоҳ ﷺ ўша кунини шу (ғамгин) ҳолатда ўтказдилар. Сўнг кўнгилларига бизнинг чодиримиз тагида бир кучук боласи борлиги тушди. Шунда буюриб, уни чиқариб ташлатдилар, сўнг қўлларига сув олиб, ўша жойга сепдилар. Кеч кирганда Жибрил уларга учраб: «Сен менга ўтган кеча учрашишни ваъда қилган эдинг», деди. (Жибрил) деди: «Ҳа, лекин биз ичида ит ёки сурат бўлган уйга кирмаймиз». Шунда Расулуллоҳ ﷺ ўша куни тонгни қарши олиб, итларни ўлдиришга буюрдилар, ҳатто боғча-кичик боғ итини ўлдиришга буюриб, катта боғ (қўриғининг) итини тарк этадиган бўлдилар.