Kasir ibn Ubayd bizga aytib berib, bizga Baqiyya ibn al-Valid aytib berib, u Umar ibn Juʼsumdan rivoyat qildi. U dedi: Menga Azhar ibn Abdulloh al-Harroziy aytib berib, dedi: Menga Shariyq al-Havzaniy aytib berib, dedi: Men Oisha (roziyallohu anho)ning huzurlariga kirdim va undan: «Rasululloh ﷺ kechasi uygʻonganlarida (namozni) nima bilan boshlar edilar?», deb soʻradim. U: «Sen menga shunday bir narsani soʻrading-ki, undan oldin hech kim mendan buni soʻramagan edi», dedi. (Soʻng aytdi:) U zot kechasi uygʻonganlarida oʻn marta takbir aytar, oʻn marta hamd aytar, oʻn marta: ‹Subhanallohi va bihamdihi›, deydilar, oʻn marta: ‹Subhanal-malikil-quddusi›, deydilar, oʻn marta istigʻfor aytar, oʻn marta: ‹Lo iloha illalloh›, deydilar, soʻng oʻn marta: ‹Allohumma inni aʼuzu bika min ziyqid-dunyo va ziyqi yavmil-qiyamati (Ey Alloh! Men Sendan dunyoning tang ahvolidan va qiyomat kunining tang ahvolidan panoh tilayman)›, deydilar. Soʻngra namozni boshlar edilar.Касир ибн Убайд бизга айтиб бериб, бизга Бақийя ибн ал-Валид айтиб бериб, у Умар ибн Жуъсумдан ривоят қилди. У деди: Менга Азҳар ибн Абдуллоҳ ал-Ҳаррозий айтиб бериб, деди: Менга Шарийқ ал-Ҳавзаний айтиб бериб, деди: Мен Оиша (розияллоҳу анҳо)нинг ҳузурларига кирдим ва ундан: «Расулуллоҳ ﷺ кечаси уйғонганларида (намозни) нима билан бошлар эдилар?», деб сўрадим. У: «Сен менга шундай бир нарсани сўрадинг-ки, ундан олдин ҳеч ким мендан буни сўрамаган эди», деди. (Сўнг айтди:) У зот кечаси уйғонганларида ўн марта такбир айтар, ўн марта ҳамд айтар, ўн марта: ‹Субҳаналлоҳи ва биҳамдиҳи›, дейдилар, ўн марта: ‹Субҳанал-маликил-қуддуси›, дейдилар, ўн марта истиғфор айтар, ўн марта: ‹Ло илоҳа иллаллоҳ›, дейдилар, сўнг ўн марта: ‹Аллоҳумма инни аъузу бика мин зийқид-дунё ва зийқи явмил-қиямати (Эй Аллоҳ! Мен Сендан дунёнинг танг аҳволидан ва қиёмат кунининг танг аҳволидан паноҳ тилайман)›, дейдилар. Сўнгра намозни бошлар эдилар.