Abu Qatoda (roziyallohu anhu)dan rivoyat qilinadi: Biz Rasululloh ﷺ bilan birga (yoʻlga) chiqdik. Qoha (degan joy)ga yetganimizda, baʼzimiz ehromda, baʼzimiz ehromda emas edik. Shu payt sheriklarimning bir narsaga tikilib qarayotganini koʻrib qoldim. Qarasam, yovvoyi eshak ekan. Men otimni egarladim, nayzamni oldim, soʻng minib oldim, ammo qamchim qoʻlimdan tushib ketdi. Ehromda boʻlgan sheriklarimga: «Qamchini menga uzatib bering», dedim. Ular: «Vallohi, bunda biz senga hech narsa bilan yordam bermaymiz», dedilar. Shunda men tushib, uni oldim, soʻng minib oldim va eshakka orqa tomonidan yetib oldim — u tepalikning ortida edi. Uni nayzam bilan urib (yiqitib) soʻyib oldim. Soʻng uni sheriklarimning oldiga olib keldim. Ulardan baʼzilari: «Uni yenglar», baʼzilari: «Uni yemanglar», dedi. Nabiy ﷺ esa oldimizda edilar. Men otimni qoʻzgʻatib, u zotga yetib oldim. Shunda u zot: «U halol, uni yenglar», dedilar.Абу Қатода (розияллоҳу анҳу)дан ривоят қилинади: Биз Расулуллоҳ ﷺ билан бирга (йўлга) чиқдик. Қоҳа (деган жой)га етганимизда, баъзимиз эҳромда, баъзимиз эҳромда эмас эдик. Шу пайт шерикларимнинг бир нарсага тикилиб қараётганини кўриб қолдим. Қарасам, ёввойи эшак экан. Мен отимни эгарладим, найзамни олдим, сўнг миниб олдим, аммо қамчим қўлимдан тушиб кетди. Эҳромда бўлган шерикларимга: «Қамчини менга узатиб беринг», дедим. Улар: «Валлоҳи, бунда биз сенга ҳеч нарса билан ёрдам бермаймиз», дедилар. Шунда мен тушиб, уни олдим, сўнг миниб олдим ва эшакка орқа томонидан етиб олдим — у тепаликнинг ортида эди. Уни найзам билан уриб (йиқитиб) сўйиб олдим. Сўнг уни шерикларимнинг олдига олиб келдим. Улардан баъзилари: «Уни енглар», баъзилари: «Уни еманглар», деди. Набий ﷺ эса олдимизда эдилар. Мен отимни қўзғатиб, у зотга етиб олдим. Шунда у зот: «У ҳалол, уни енглар», дедилар.