Ibn Abbos (roziyallohu anhumo)dan rivoyat qilinadi: Rasululloh ﷺ Fath kuni — Makka fathi kuni: «(Endi) hijrat yoʻq, balki jihod va niyat (bor); qachon (jangga) chaqirilsangiz, otlaninglar», — dedilar. Va Fath kuni — Makka fathi kuni shunday dedilar: «Albatta, bu shaharni Alloh osmonlar bilan yerni yaratgan kuniyoq harom (muqaddas) qilgan; bas, u Allohning hurmati bilan qiyomat kunigacha harom (muqaddas)dir. Darhaqiqat, mendan oldin hech kimga unda jang qilish halol boʻlmagan, menga ham faqat kunduzning bir soatigina halol qilingan. Bas, u Allohning hurmati bilan qiyomat kunigacha haromdir. Uning tikoni kesilmaydi, ovi hurkitilmaydi, (yoʻqolgan narsasi) faqat uni eʼlon qiluvchidan boshqa kishi tomonidan terib olinmaydi va uning oʻt-oʻlani oʻrilmaydi». Shunda Abbos: «Yo Rasululloh! Izxirdan boshqa (boʻlsin), chunki u ularning temirchilari va uylari uchun (kerak)», — dedi. Shunda (Rasululloh ﷺ): «Izxirdan boshqa (boʻlsin)», — dedilar.Ибн Аббос (розияллоҳу анҳумо)дан ривоят қилинади: Расулуллоҳ ﷺ Фатҳ куни — Макка фатҳи куни: «(Энди) ҳижрат йўқ, балки жиҳод ва ният (бор); қачон (жангга) чақирилсангиз, отланинглар», — дедилар. Ва Фатҳ куни — Макка фатҳи куни шундай дедилар: «Албатта, бу шаҳарни Аллоҳ осмонлар билан ерни яратган куниёқ ҳаром (муқаддас) қилган; бас, у Аллоҳнинг ҳурмати билан қиёмат кунигача ҳаром (муқаддас)дир. Дарҳақиқат, мендан олдин ҳеч кимга унда жанг қилиш ҳалол бўлмаган, менга ҳам фақат кундузнинг бир соатигина ҳалол қилинган. Бас, у Аллоҳнинг ҳурмати билан қиёмат кунигача ҳаромдир. Унинг тикони кесилмайди, ови ҳуркитилмайди, (йўқолган нарсаси) фақат уни эълон қилувчидан бошқа киши томонидан териб олинмайди ва унинг ўт-ўлани ўрилмайди». Шунда Аббос: «Ё Расулуллоҳ! Изхирдан бошқа (бўлсин), чунки у уларнинг темирчилари ва уйлари учун (керак)», — деди. Шунда (Расулуллоҳ ﷺ): «Изхирдан бошқа (бўлсин)», — дедилар.