Jobir ibn Abdulloh (roziyallohu anhumo)dan rivoyat qilinadi: Biz Rasululloh ﷺ bilan bir gʻazotda edik. Qaytayotganimizda men sekin yuradigan tuyamni tezlatmoqchi boʻldim. Shunda orqamdan bir suvoriy yetib kelib, oʻzida boʻlgan nayza (anaza) bilan tuyamni turtdi. Tuyam sen koʻrgan tuyalarning eng yaxshisiday yurib ketdi. Men oʻgirilib qarasam, Rasululloh ﷺ ekanlar. (U zot): «Seni nima shoshirayapti, yo Jobir?» — dedilar. «Yo Rasululloh, men yangi uylanganman», dedim. (U zot): «Unga bokira qizgami yoki tul ayolgami uylanding?» — dedilar. (Jobir) dedi: «Yoʻq, tul ayolga», dedim. (U zot): «Nega oʻzing u bilan, u sen bilan oʻnaydigan bir qizga uylanmading?» — dedilar. (Jobir) dedi: Madinaga yetib kelganimizda (shaharga) kirmoqchi boʻldik. Shunda (u zot): «Sochi toʻzigan ayol sochini tarashi, eri (gʻoyibda) boʻlgan ayol (oʻzini) ozoda qilishi uchun kechqurun — yaʼni ishxom paytida — kiradigan boʻlguncha shoshilmanglar», — dedilar. (Jobir) dedi: Va (u zot): «(Uyingga) yetib borganingda, aql bilan, aql bilan (ish tut)», — dedilar.Жобир ибн Абдуллоҳ (розияллоҳу анҳумо)дан ривоят қилинади: Биз Расулуллоҳ ﷺ билан бир ғазотда эдик. Қайтаётганимизда мен секин юрадиган туямни тезлатмоқчи бўлдим. Шунда орқамдан бир суворий етиб келиб, ўзида бўлган найза (аназа) билан туямни туртди. Туям сен кўрган туяларнинг энг яхшисидай юриб кетди. Мен ўгирилиб қарасам, Расулуллоҳ ﷺ эканлар. (У зот): «Сени нима шошираяпти, ё Жобир?» — дедилар. «Ё Расулуллоҳ, мен янги уйланганман», дедим. (У зот): «Унга бокира қизгами ёки тул аёлгами уйландинг?» — дедилар. (Жобир) деди: «Йўқ, тул аёлга», дедим. (У зот): «Нега ўзинг у билан, у сен билан ўнайдиган бир қизга уйланмадинг?» — дедилар. (Жобир) деди: Мадинага етиб келганимизда (шаҳарга) кирмоқчи бўлдик. Шунда (у зот): «Сочи тўзиган аёл сочини тараши, эри (ғойибда) бўлган аёл (ўзини) озода қилиши учун кечқурун — яъни ишхом пайтида — кирадиган бўлгунча шошилманглар», — дедилар. (Жобир) деди: Ва (у зот): «(Уйингга) етиб борганингда, ақл билан, ақл билан (иш тут)», — дедилар.