Oisha (roziyallohu anho)dan rivoyat qilinadi: Nabiy ﷺ Zaynab binti Jahsh huzurida (bir muncha) turar va uning yonida asal ichar edilar. (Oisha) dedi: «Men va Hafsa kelishib oldikki, qaysi birimizning huzurimizga Nabiy ﷺ kirsalar, ‹Men sizdan magʻofir hidini sezyapman. Magʻofir yedingizmi?› desin. Shunda u zot ulardan birining huzuriga kirdilar, u esa unga shuni aytdi. U zot: ‹Yoʻq, balki men Zaynab binti Jahsh huzurida asal ichgan edim, endi unga qaytmayman›, dedilar». Shunda {Alloh senga halol qilgan narsani nega oʻzingga harom qilasan?} (degan oyatdan) to {Agar ikkovingiz (Allohga) tavba qilsangizlar} (degan) Oisha va Hafsa haqidagi soʻzigacha, hamda {Eslang, oʻshanda Nabiy oʻz juftlaridan biriga bir gapni sir qilib aytgan edi} (degan oyat) u zotning ‹balki asal ichdim› degan soʻzlari haqida nozil boʻldi.Оиша (розияллоҳу анҳо)дан ривоят қилинади: Набий ﷺ Зайнаб бинти Жаҳш ҳузурида (бир мунча) турар ва унинг ёнида асал ичар эдилар. (Оиша) деди: «Мен ва Ҳафса келишиб олдикки, қайси биримизнинг ҳузуримизга Набий ﷺ кирсалар, ‹Мен сиздан мағофир ҳидини сезяпман. Мағофир едингизми?› десин. Шунда у зот улардан бирининг ҳузурига кирдилар, у эса унга шуни айтди. У зот: ‹Йўқ, балки мен Зайнаб бинти Жаҳш ҳузурида асал ичган эдим, энди унга қайтмайман›, дедилар». Шунда {Аллоҳ сенга ҳалол қилган нарсани нега ўзингга ҳаром қиласан?} (деган оятдан) то {Агар икковингиз (Аллоҳга) тавба қилсангизлар} (деган) Оиша ва Ҳафса ҳақидаги сўзигача, ҳамда {Эсланг, ўшанда Набий ўз жуфтларидан бирига бир гапни сир қилиб айтган эди} (деган оят) у зотнинг ‹балки асал ичдим› деган сўзлари ҳақида нозил бўлди.