Muoviya ibn Suvayd (roziyallohu anhu)dan rivoyat qilinadi: Men oʻzimizning bir mavlomizning yuziga shapaloq urib, qochib ketdim. Soʻng peshindan biroz oldin kelib, otamning orqasida namoz oʻqidim. U (otam) uni (mavloni) ham, meni ham chaqirdi-da, soʻng (mavloga): «Undan oʻchingni ol», dedi. (Mavlo esa) avf qildi. Soʻng (otam) dedi: Biz Muqarrin oʻgʻillari Rasululloh ﷺ zamonida bitta xizmatkordan boshqamiz yoʻq edi, bizdan biri uning yuziga shapaloq urdi. Bu Nabiy ﷺ ga yetib bordi, shunda u zot: «Uni ozod qilinglar», dedilar. Ular: «Ulardan undan boshqa xizmatkor yoʻq», dedilar. (U zot): «Undan xizmat olib turaversinlar, qachon undan beparvo (mustagʻniy) boʻlsalar, uni ozod qilib yuborsinlar», dedilar.Муовия ибн Сувайд (розияллоҳу анҳу)дан ривоят қилинади: Мен ўзимизнинг бир мавломизнинг юзига шапалоқ уриб, қочиб кетдим. Сўнг пешиндан бироз олдин келиб, отамнинг орқасида намоз ўқидим. У (отам) уни (мавлони) ҳам, мени ҳам чақирди-да, сўнг (мавлога): «Ундан ўчингни ол», деди. (Мавло эса) авф қилди. Сўнг (отам) деди: Биз Муқаррин ўғиллари Расулуллоҳ ﷺ замонида битта хизматкордан бошқамиз йўқ эди, биздан бири унинг юзига шапалоқ урди. Бу Набий ﷺ га етиб борди, шунда у зот: «Уни озод қилинглар», дедилар. Улар: «Улардан ундан бошқа хизматкор йўқ», дедилар. (У зот): «Ундан хизмат олиб тураверсинлар, қачон ундан бепарво (мустағний) бўлсалар, уни озод қилиб юборсинлар», дедилар.