Abdulloh ibn Umar (roziyallohu anhumo)dan rivoyat qilinadi: Otam (Umar) jarohatlangan paytda yonida hozir edim. Odamlar uni maqtab: «Alloh senga yaxshi mukofot bersin», deyishdi. Shunda u: «(Allohning rahmatidan) umidvorman ham, (gʻazabidan) qoʻrqaman ham», dedi. Ular: «Oʻrningga birovni xalifa qilib tayinla», deyishdi. U dedi: «Tirikligimda ham, oʻlganimda ham sizning ishlaringiz yukini koʻtaraymi? Bu (xalifalik)dan ulushim na ziyonimga, na foydamga boʻladigan barobar (bir narsa) boʻlishini istardim. Agar (oʻrnimga) xalifa tayinlasam, mendan yaxshiroq boʻlgan zot — yaʼni Abu Bakr — xalifa tayinlagan. Agar sizni (xalifasiz) qoldirsam, mendan yaxshiroq boʻlgan zot — Rasululloh ﷺ — sizni (xalifasiz) qoldirganlar». Abdulloh (ibn Umar) dedi: U Rasululloh ﷺ ni zikr qilganda, uning xalifa tayinlamasligini bildim.Абдуллоҳ ибн Умар (розияллоҳу анҳумо)дан ривоят қилинади: Отам (Умар) жароҳатланган пайтда ёнида ҳозир эдим. Одамлар уни мақтаб: «Аллоҳ сенга яхши мукофот берсин», дейишди. Шунда у: «(Аллоҳнинг раҳматидан) умидворман ҳам, (ғазабидан) қўрқаман ҳам», деди. Улар: «Ўрнингга бировни халифа қилиб тайинла», дейишди. У деди: «Тириклигимда ҳам, ўлганимда ҳам сизнинг ишларингиз юкини кўтарайми? Бу (халифалик)дан улушим на зиёнимга, на фойдамга бўладиган баробар (бир нарса) бўлишини истардим. Агар (ўрнимга) халифа тайинласам, мендан яхшироқ бўлган зот — яъни Абу Бакр — халифа тайинлаган. Агар сизни (халифасиз) қолдирсам, мендан яхшироқ бўлган зот — Расулуллоҳ ﷺ — сизни (халифасиз) қолдирганлар». Абдуллоҳ (ибн Умар) деди: У Расулуллоҳ ﷺ ни зикр қилганда, унинг халифа тайинламаслигини билдим.