Oisha (roziyallohu anho)dan rivoyat qilinadi: Savda parda (hijob) farz qilingandan keyin hojati uchun chiqdi. U bahaybat ayol boʻlib, gavda jihatidan ayollardan ajralib turardi, oʻzini taniydiganlardan yashira olmasdi. Uni Umar ibn al-Xattob koʻrib qoldi-da: «Ey Savda! Vallohi, sen bizdan yashirina olmaysan. Endi qanday chiqishingni oʻylab koʻr», dedi. (Oisha) dedi: Shunda u qaytib keldi. Rasululloh ﷺ mening uyimda kechki ovqatlanayotgan, qoʻllarida (goʻshtli) suyak bor edi. U (Savda) kirib: «Yo Rasululloh! Men chiqqan edim, Umar menga bunday-bunday dedi», dedi. (Oisha) dedi: Shunda u zotga vahiy keldi, soʻng (u holat) undan koʻtarildi, suyak hamon qoʻllarida edi, uni qoʻyishga ulgurmagan edilar. Soʻng u zot: «Hojatlaringiz uchun chiqishingizga sizlarga ruxsat berildi», dedilar.Оиша (розияллоҳу анҳо)дан ривоят қилинади: Савда парда (ҳижоб) фарз қилингандан кейин ҳожати учун чиқди. У баҳайбат аёл бўлиб, гавда жиҳатидан аёллардан ажралиб турарди, ўзини танийдиганлардан яшира олмасди. Уни Умар ибн ал-Хаттоб кўриб қолди-да: «Эй Савда! Валлоҳи, сен биздан яширина олмайсан. Энди қандай чиқишингни ўйлаб кўр», деди. (Оиша) деди: Шунда у қайтиб келди. Расулуллоҳ ﷺ менинг уйимда кечки овқатланаётган, қўлларида (гўштли) суяк бор эди. У (Савда) кириб: «Ё Расулуллоҳ! Мен чиққан эдим, Умар менга бундай-бундай деди», деди. (Оиша) деди: Шунда у зотга ваҳий келди, сўнг (у ҳолат) ундан кўтарилди, суяк ҳамон қўлларида эди, уни қўйишга улгурмаган эдилар. Сўнг у зот: «Ҳожатларингиз учун чиқишингизга сизларга рухсат берилди», дедилар.