Abu Voqid al-Laysiy (roziyallohu anhu)dan rivoyat qilinadi: Rasululloh ﷺ masjidda oʻtirgan, odamlar ham u zot bilan birga edi. Shu payt uch kishi keldi. Ulardan ikkitasi Rasululloh ﷺ tomon yaqinlashdi, bittasi esa ketib qoldi. (Roviy) dedi: Ana u ikkisi Rasululloh ﷺ ning oldida (bir oz) toʻxtab turishdi. Soʻng ulardan biri halqada (oʻtirganlar orasidan) bir boʻsh joy koʻrib, oʻsha yerga oʻtirdi. Boshqasi esa ularning orqasiga oʻtirdi. Uchinchisi esa orqasiga burilib ketib qoldi. Rasululloh ﷺ (suhbatdan) boʻshaganlarida: «Sizlarga u uch kishi haqida xabar beraymi? Ulardan biri Allohga panoh tortdi, Alloh ham uni panohiga oldi. Boshqasi (joy soʻrashdan) hayo qildi, Alloh ham undan hayo qildi. Yana biri esa yuz oʻgirdi, Alloh ham undan yuz oʻgirdi», dedilar.Абу Воқид ал-Лайсий (розияллоҳу анҳу)дан ривоят қилинади: Расулуллоҳ ﷺ масжидда ўтирган, одамлар ҳам у зот билан бирга эди. Шу пайт уч киши келди. Улардан иккитаси Расулуллоҳ ﷺ томон яқинлашди, биттаси эса кетиб қолди. (Ровий) деди: Ана у иккиси Расулуллоҳ ﷺ нинг олдида (бир оз) тўхтаб туришди. Сўнг улардан бири ҳалқада (ўтирганлар орасидан) бир бўш жой кўриб, ўша ерга ўтирди. Бошқаси эса уларнинг орқасига ўтирди. Учинчиси эса орқасига бурилиб кетиб қолди. Расулуллоҳ ﷺ (суҳбатдан) бўшаганларида: «Сизларга у уч киши ҳақида хабар берайми? Улардан бири Аллоҳга паноҳ тортди, Аллоҳ ҳам уни паноҳига олди. Бошқаси (жой сўрашдан) ҳаё қилди, Аллоҳ ҳам ундан ҳаё қилди. Яна бири эса юз ўгирди, Аллоҳ ҳам ундан юз ўгирди», дедилар.