Abu Voqid al-Laysiy (roziyallohu anhu)dan rivoyat qilinadi: Rasululloh ﷺ masjidda (baʼzi odamlar bilan) oʻtirgan paytlarida, uch kishi keldi; ulardan ikkisi Rasululloh ﷺ ning oldiga keldi, uchinchisi ketib qoldi. Soʻng ulardan biri halqada (boʻsh) joy topib, oʻsha yerda oʻtirdi; ikkinchisi majlisning orqasida oʻtirdi; uchinchisi esa ketib qoldi. Rasululloh ﷺ vaʼzini tugatgach: «Bu uch kishi haqida sizlarga aytaymi? Ulardan biri Allohga (panoh izlab) yondashdi, shunda Alloh uni qabul qildi (va joy berdi); ikkinchisi Allohdan uyaldi, shunda Alloh ham undan (hayo qilib) uni rahmatiga oldi; uchinchisi esa Allohdan yuz oʻgirib ketdi, shunda Alloh ham undan yuz oʻgirdi», — dedilar.Абу Воқид ал-Лайсий (розияллоҳу анҳу)дан ривоят қилинади: Расулуллоҳ ﷺ масжидда (баъзи одамлар билан) ўтирган пайтларида, уч киши келди; улардан иккиси Расулуллоҳ ﷺ нинг олдига келди, учинчиси кетиб қолди. Сўнг улардан бири ҳалқада (бўш) жой топиб, ўша ерда ўтирди; иккинчиси мажлиснинг орқасида ўтирди; учинчиси эса кетиб қолди. Расулуллоҳ ﷺ ваъзини тугатгач: «Бу уч киши ҳақида сизларга айтайми? Улардан бири Аллоҳга (паноҳ излаб) ёндашди, шунда Аллоҳ уни қабул қилди (ва жой берди); иккинчиси Аллоҳдан уялди, шунда Аллоҳ ҳам ундан (ҳаё қилиб) уни раҳматига олди; учинчиси эса Аллоҳдан юз ўгириб кетди, шунда Аллоҳ ҳам ундан юз ўгирди», — дедилар.