Abu Voqid al-Laysiy (roziyallohu anhu)dan rivoyat qilinadiki, Rasululloh ﷺ masjidda odamlar bilan birga oʻtirgan edilar, shu payt uch kishi keldi. Ikkovi Rasululloh ﷺ tomonga yoʻnaldi, biri esa ketdi. Ikkovi Rasululloh ﷺ ning majlislari oldida toʻxtab, salom berdi. Ulardan biri halqada (davrada) boʻsh joy koʻrib, oʻsha yerga oʻtirdi. Ikkinchisi ularning orqasiga oʻtirdi. Uchinchisi esa orqasiga qaytib ketdi. Rasululloh ﷺ (soʻzlarini) tugatganlaridan soʻng: «Sizlarga uch kishi haqida xabar beraymi? Ulardan biri Allohdan panoh soʻradi — Alloh unga panoh berdi. Ikkinchisi (hayo qilib) uyaldi — Alloh ham undan (rahm etib) uyaldi. Uchinchisi esa yuz oʻgirdi — Alloh ham undan yuz oʻgirdi», dedilar.Абу Воқид ал-Лайсий (розияллоҳу анҳу)дан ривоят қилинадики, Расулуллоҳ ﷺ масжидда одамлар билан бирга ўтирган эдилар, шу пайт уч киши келди. Иккови Расулуллоҳ ﷺ томонга йўналди, бири эса кетди. Иккови Расулуллоҳ ﷺ нинг мажлислари олдида тўхтаб, салом берди. Улардан бири ҳалқада (даврада) бўш жой кўриб, ўша ерга ўтирди. Иккинчиси уларнинг орқасига ўтирди. Учинчиси эса орқасига қайтиб кетди. Расулуллоҳ ﷺ (сўзларини) тугатганларидан сўнг: «Сизларга уч киши ҳақида хабар берайми? Улардан бири Аллоҳдан паноҳ сўради — Аллоҳ унга паноҳ берди. Иккинчиси (ҳаё қилиб) уялди — Аллоҳ ҳам ундан (раҳм этиб) уялди. Учинчиси эса юз ўгирди — Аллоҳ ҳам ундан юз ўгирди», дедилар.