Anas ibn Molik (roziyallohu anhu)dan rivoyat qilinadi: Nabiy ﷺ otdan yiqilib, oʻng yoni shilindi. Biz u zotning oldilariga koʻrgani kirdik. Namoz vaqti boʻlganda, u zot bizga oʻtirgan holda imomlik qilib namoz oʻqidilar, biz ham ularning orqasida oʻtirgan holda namoz oʻqidik. Namozni tugatganlarida: «Albatta, imom unga ergashilishi uchun (tayinlangan). Bas, u takbir aytsa, sizlar ham takbir aytinglar; sajda qilsa, sizlar ham sajda qilinglar; (boshini) koʻtarsa, sizlar ham koʻtaringlar; ‹Samiʼallohu liman hamidah› (Alloh Oʻziga hamd aytganni eshitdi) desa, sizlar ‹Robbano va lakal-hamd› (Ey Robbimiz, hamd Senga xosdir) denglar; oʻtirib namoz oʻqisa, hammangiz oʻtirib namoz oʻqinglar», — dedilar.Анас ибн Молик (розияллоҳу анҳу)дан ривоят қилинади: Набий ﷺ отдан йиқилиб, ўнг ёни шилинди. Биз у зотнинг олдиларига кўргани кирдик. Намоз вақти бўлганда, у зот бизга ўтирган ҳолда имомлик қилиб намоз ўқидилар, биз ҳам уларнинг орқасида ўтирган ҳолда намоз ўқидик. Намозни тугатганларида: «Албатта, имом унга эргашилиши учун (тайинланган). Бас, у такбир айтса, сизлар ҳам такбир айтинглар; сажда қилса, сизлар ҳам сажда қилинглар; (бошини) кўтарса, сизлар ҳам кўтаринглар; ‹Самиъаллоҳу лиман ҳамидаҳ› (Аллоҳ Ўзига ҳамд айтганни эшитди) деса, сизлар ‹Роббано ва лакал-ҳамд› (Эй Роббимиз, ҳамд Сенга хосдир) денглар; ўтириб намоз ўқиса, ҳаммангиз ўтириб намоз ўқинглар», — дедилар.