Abu Hurayra (roziyallohu anhu)dan rivoyat qilinadi: Ikki kishi — biri yahudiylardan, biri musulmonlardan — bir-birini soʻkishdi. Musulmon: «Muhammadni ﷺ olamlar uzra (peshvo qilib) saylagan Zot bilan qasamki!» dedi. Yahudiy esa: «Musoni olamlar uzra saylagan Zot bilan qasamki!» dedi. (Rovin) dedi: Shunda musulmon qoʻlini koʻtarib, yahudiyning yuziga tarsaki tortdi. Yahudiy Rasululloh ﷺ ning oldilariga borib, oʻzi va musulmon oʻrtasida boʻlgan voqeani xabar berdi. Shunda Rasululloh ﷺ: «Meni Musodan afzal qilmanglar! Chunki (qiyomatda) odamlar behush boʻlib yiqiladilar, men esa eng avval hushiga keladiganlar boʻlaman. Shunda Muso Arshning bir tarafini ushlab turgan boʻladi. Bilmadim, u behush boʻlganlardanu mendan oldin hushiga kelganmi, yoki Alloh (behush boʻlishdan) istisno qilgan kishilardanmi (bilmayman)», — dedilar.Абу Ҳурайра (розияллоҳу анҳу)дан ривоят қилинади: Икки киши — бири яҳудийлардан, бири мусулмонлардан — бир-бирини сўкишди. Мусулмон: «Муҳаммадни ﷺ оламлар узра (пешво қилиб) сайлаган Зот билан қасамки!» деди. Яҳудий эса: «Мусони оламлар узра сайлаган Зот билан қасамки!» деди. (Ровин) деди: Шунда мусулмон қўлини кўтариб, яҳудийнинг юзига тарсаки тортди. Яҳудий Расулуллоҳ ﷺ нинг олдиларига бориб, ўзи ва мусулмон ўртасида бўлган воқеани хабар берди. Шунда Расулуллоҳ ﷺ: «Мени Мусодан афзал қилманглар! Чунки (қиёматда) одамлар беҳуш бўлиб йиқиладилар, мен эса энг аввал ҳушига келадиганлар бўламан. Шунда Мусо Аршнинг бир тарафини ушлаб турган бўлади. Билмадим, у беҳуш бўлганлардану мендан олдин ҳушига келганми, ёки Аллоҳ (беҳуш бўлишдан) истисно қилган кишиларданми (билмайман)», — дедилар.