Abu Hurayra (roziyallohu anhu)dan rivoyat qilinadi: Ikki kishi — bir musulmon va bir yahudiy — janjallashdi. Musulmon: «Muhammadni barcha odamlardan ustun qilgan Zotga qasamki!» — dedi. Yahudiy: «Musoni barcha odamlardan ustun qilgan Zotga qasamki!» — dedi. Shunda musulmon qoʻlini koʻtarib, yahudiyning yuziga tarsaki tortdi. Yahudiy Paygʻambar ﷺ ning oldiga borib, oʻzi bilan musulmon orasida boʻlgan (voqea)ni u zotga xabar berdi. Paygʻambar ﷺ musulmonni (chaqirib) yubordi va undan bu haqda soʻradi. Musulmon voqeani u zotga xabar berdi. Paygʻambar ﷺ: «Meni Musodan ustun qilmanglar — chunki Qiyomat kuni barcha odamlar hushidan ketadi va men (ham) ulardan biri boʻlaman, lekin men birinchi boʻlib hushga kelaman va Musoni — Arsh(ning) bir tomonini ushlab turgan holda — koʻraman. Men — (Muso) ham hushidan ketdimi va mendan oldin (hushga) keldimi, yoki Alloh uni oʻsha (hushdan ketish) zarbasidan istisno qildimi — bilmayman», — dedilar.Абу Ҳурайра (розияллоҳу анҳу)дан ривоят қилинади: Икки киши — бир мусулмон ва бир яҳудий — жанжаллашди. Мусулмон: «Муҳаммадни барча одамлардан устун қилган Зотга қасамки!» — деди. Яҳудий: «Мусони барча одамлардан устун қилган Зотга қасамки!» — деди. Шунда мусулмон қўлини кўтариб, яҳудийнинг юзига тарсаки тортди. Яҳудий Пайғамбар ﷺ нинг олдига бориб, ўзи билан мусулмон орасида бўлган (воқеа)ни у зотга хабар берди. Пайғамбар ﷺ мусулмонни (чақириб) юборди ва ундан бу ҳақда сўради. Мусулмон воқеани у зотга хабар берди. Пайғамбар ﷺ: «Мени Мусодан устун қилманглар — чунки Қиёмат куни барча одамлар ҳушидан кетади ва мен (ҳам) улардан бири бўламан, лекин мен биринчи бўлиб ҳушга келаман ва Мусони — Арш(нинг) бир томонини ушлаб турган ҳолда — кўраман. Мен — (Мусо) ҳам ҳушидан кетдими ва мендан олдин (ҳушга) келдими, ёки Аллоҳ уни ўша (ҳушдан кетиш) зарбасидан истисно қилдими — билмайман», — дедилар.