Abu Said al-Xudriy (roziyallohu anhu)dan rivoyat qilinadi: Allohning Rasuli ﷺ oʻtirgan paytlarida, bir yahudiy kelib: «Ey Abulqosim! Sizning sahobalaringizdan biri mening yuzimga tarsaki tortdi», — dedi. Paygʻambar ﷺ — u kim ekanini — soʻradi. U — u (kishi) ansorlardan biri ekanini — aytdi. Paygʻambar ﷺ uni (chaqirib) yubordi va u kelganda, u zot undan — yahudiyni urganmi, deb — soʻradi. U (ha, deb javob berdi va): «Men uning bozorda: ‹Musoni barcha insonlardan ustun qilgan Zotga qasamki›, — deb qasam ichayotganini eshitdim. Men: ‹Ey razil! (Alloh Musoni) Muhammaddan ham (ustun qildimi)?› — dedim va gʻazablanib, uning yuziga tarsaki tortdim», — dedi. Paygʻambar ﷺ: «Bir paygʻambarni boshqasidan ustun qilmanglar — chunki Qiyomat kuni barcha odamlar hushidan ketadi va men birinchi boʻlib yerdan (qabrdan) chiqaman hamda Musoni — Arsh(ning) bir oyogʻini ushlab turgan holda — koʻraman. Men — Muso (ham) hushidan ketdimi, yoki birinchi (hushdan ketish) unga kifoya qildimi — bilmayman», — dedilar.Абу Саид ал-Худрий (розияллоҳу анҳу)дан ривоят қилинади: Аллоҳнинг Расули ﷺ ўтирган пайтларида, бир яҳудий келиб: «Эй Абулқосим! Сизнинг саҳобаларингиздан бири менинг юзимга тарсаки тортди», — деди. Пайғамбар ﷺ — у ким эканини — сўради. У — у (киши) ансорлардан бири эканини — айтди. Пайғамбар ﷺ уни (чақириб) юборди ва у келганда, у зот ундан — яҳудийни урганми, деб — сўради. У (ҳа, деб жавоб берди ва): «Мен унинг бозорда: ‹Мусони барча инсонлардан устун қилган Зотга қасамки›, — деб қасам ичаётганини эшитдим. Мен: ‹Эй разил! (Аллоҳ Мусони) Муҳаммаддан ҳам (устун қилдими)?› — дедим ва ғазабланиб, унинг юзига тарсаки тортдим», — деди. Пайғамбар ﷺ: «Бир пайғамбарни бошқасидан устун қилманглар — чунки Қиёмат куни барча одамлар ҳушидан кетади ва мен биринчи бўлиб ердан (қабрдан) чиқаман ҳамда Мусони — Арш(нинг) бир оёғини ушлаб турган ҳолда — кўраман. Мен — Мусо (ҳам) ҳушидан кетдими, ёки биринчи (ҳушдан кетиш) унга кифоя қилдими — билмайман», — дедилар.