Abu Hurayra (roziyallohu anhu)dan rivoyat qilinadi: Men kunduzning bir qismida Rasululloh ﷺ bilan birga chiqdim. U zot men bilan gaplashmasdi, men ham u zot bilan gaplashmasdim, toki u zot Banu Qaynuqoʼ bozoriga keldilar. Soʻng (u zot) qaytib, Fotimaning chodiriga keldilar va: «Kichkina bola shu yerdami? Kichkina bola shu yerdami?» — dedilar, yaʼni Hasanni (nazarda tutib). Biz onasi uni yuvib, boʻyniga xushboʻy munchoq taqib qoʻyish uchun ushlab turgan boʻlsa kerak, deb oʻyladik. Koʻp oʻtmay (Hasan) yugurib keldi va ikkovlari bir-birlarini quchoqlashdi. Shunda Rasululloh ﷺ: «Allohim, men uni yaxshi koʻraman, Sen ham uni yaxshi koʻr va uni yaxshi koʻrganlarni yaxshi koʻr», — dedilar.Абу Ҳурайра (розияллоҳу анҳу)дан ривоят қилинади: Мен кундузнинг бир қисмида Расулуллоҳ ﷺ билан бирга чиқдим. У зот мен билан гаплашмасди, мен ҳам у зот билан гаплашмасдим, токи у зот Бану Қайнуқў бозорига келдилар. Сўнг (у зот) қайтиб, Фотиманинг чодирига келдилар ва: «Кичкина бола шу ердами? Кичкина бола шу ердами?» — дедилар, яъни Ҳасанни (назарда тутиб). Биз онаси уни ювиб, бўйнига хушбўй мунчоқ тақиб қўйиш учун ушлаб турган бўлса керак, деб ўйладик. Кўп ўтмай (Ҳасан) югуриб келди ва икковлари бир-бирларини қучоқлашди. Шунда Расулуллоҳ ﷺ: «Аллоҳим, мен уни яхши кўраман, Сен ҳам уни яхши кўр ва уни яхши кўрганларни яхши кўр», — дедилар.