Qays ibn Ubod (rahimahulloh)dan rivoyat qilinadi: Men bir halqada edim, unda Saʼd ibn Molik va Ibn Umar bor edi. Shu payt Abdulloh ibn Salom oʻtib qoldi. Ular: «Bu jannat ahlidan boʻlgan kishi», dedilar. Men turib unga: «Ular sen haqingda shunday-shunday dedilar», dedim. U: «Subhanalloh! Ularga oʻzlari bilmagan narsani aytish loyiq emas edi. Men faqat shuni koʻrdimki, goʻyo koʻm-koʻk bir bogʻda bir ustun qoʻyilib, unga oʻrnatilgan edi. Uning boshida bir halqa (tutqich), pastida esa bir minsaf bor edi — minsaf — bu xizmatkordir. Menga: ‹Unga chiq›, deyildi. Men chiqdim, toki halqani ushladim. Men buni Rasululloh ﷺ ga aytib berdim. Shunda Rasululloh ﷺ: ‹Abdulloh eng mustahkam tutqichni (urvatul-vusqoni) ushlagan holida vafot etadi›, dedilar», dedi.Қайс ибн Убод (раҳимаҳуллоҳ)дан ривоят қилинади: Мен бир ҳалқада эдим, унда Саъд ибн Молик ва Ибн Умар бор эди. Шу пайт Абдуллоҳ ибн Салом ўтиб қолди. Улар: «Бу жаннат аҳлидан бўлган киши», дедилар. Мен туриб унга: «Улар сен ҳақингда шундай-шундай дедилар», дедим. У: «Субҳаналлоҳ! Уларга ўзлари билмаган нарсани айтиш лойиқ эмас эди. Мен фақат шуни кўрдимки, гўё кўм-кўк бир боғда бир устун қўйилиб, унга ўрнатилган эди. Унинг бошида бир ҳалқа (тутқич), пастида эса бир минсаф бор эди — минсаф — бу хизматкордир. Менга: ‹Унга чиқ›, дейилди. Мен чиқдим, токи ҳалқани ушладим. Мен буни Расулуллоҳ ﷺ га айтиб бердим. Шунда Расулуллоҳ ﷺ: ‹Абдуллоҳ энг мустаҳкам тутқични (урватул-вусқони) ушлаган ҳолида вафот этади›, дедилар», деди.