Umar ibn Xattob (roziyallohu anhu)dan rivoyat qilinadi: Men Hishom ibn Hakim ibn Hizomning Furqon surasini men oʻqiydiganimdan boshqacha tarzda oʻqiyotganini eshitdim — holbuki Rasululloh ﷺ uni menga (shunday) oʻqitgan edilar. Men unga shoshqaloqlik qilib qoʻyishimga sal qoldi, soʻng u (namozdan) qaytguncha sabr qildim, soʻng uni ridosi (yopinchigʻi)dan boʻgʻib ushlab, Rasululloh ﷺ huzurlariga olib keldim. Men: «Yo Rasululloh! Men buning Furqon surasini siz menga oʻqitganingizdan boshqacha tarzda oʻqiyotganini eshitdim», — dedim. Shunda Rasululloh ﷺ: «Uni qoʻyib yubor. (Sen) oʻqi», — dedilar. U men eshitgan qiroatda oʻqidi. Rasululloh ﷺ: «Mana shunday nozil qilingan», — dedilar. Soʻng menga: «(Endi sen) oʻqi», — dedilar. Men oʻqidim. U zot: «Mana shunday nozil qilingan. Darhaqiqat ushbu Qurʼon yetti harf (qiroat) ustida nozil qilingan, bas, undan qaysi biri oson boʻlsa, oʻshani oʻqinglar», — dedilar.Умар ибн Хаттоб (розияллоҳу анҳу)дан ривоят қилинади: Мен Ҳишом ибн Ҳаким ибн Ҳизомнинг Фурқон сурасини мен ўқийдиганимдан бошқача тарзда ўқиётганини эшитдим — ҳолбуки Расулуллоҳ ﷺ уни менга (шундай) ўқитган эдилар. Мен унга шошқалоқлик қилиб қўйишимга сал қолди, сўнг у (намоздан) қайтгунча сабр қилдим, сўнг уни ридоси (ёпинчиғи)дан бўғиб ушлаб, Расулуллоҳ ﷺ ҳузурларига олиб келдим. Мен: «Ё Расулуллоҳ! Мен бунинг Фурқон сурасини сиз менга ўқитганингиздан бошқача тарзда ўқиётганини эшитдим», — дедим. Шунда Расулуллоҳ ﷺ: «Уни қўйиб юбор. (Сен) ўқи», — дедилар. У мен эшитган қироатда ўқиди. Расулуллоҳ ﷺ: «Мана шундай нозил қилинган», — дедилар. Сўнг менга: «(Энди сен) ўқи», — дедилар. Мен ўқидим. У зот: «Мана шундай нозил қилинган. Дарҳақиқат ушбу Қуръон етти ҳарф (қироат) устида нозил қилинган, бас, ундан қайси бири осон бўлса, ўшани ўқинглар», — дедилар.