Al-Mugʻiyra ibn Shuʼba (roziyallohu anhu)dan rivoyat qilinadiki, Rasululloh ﷺ Tabuk gʻazoti (safari)da hojat uchun (chetga) ketdilar. Mugʻiyra aytdi: «Men u zot bilan birga suv olib bordim. Rasululloh ﷺ (hojatdan) qaytganlarida, men ustlariga suv quydim. U zot yuzlarini yuvdilar, soʻng qoʻllarini jubbalarining yengidan chiqarmoqchi boʻldilar, ammo yengi tor boʻlgani uchun uddalay olmadilar, shuning uchun qoʻllarini jubbaning ostidan chiqardilar. Soʻng qoʻllarini yuvib, boshlariga mash tortdilar va maxsi (koʻn paypoq)lari ustidan mash qildilar. Rasululloh ﷺ (jamoat oldiga) kelganlarida, Abdurrahmon ibn Avf odamlarga imomlik qilib, ular bilan bir rakaatni oʻqib boʻlgan edi. Rasululloh ﷺ ular bilan qolgan rakaatni oʻqidilar. Bu odamlarni tashvishga soldi. Rasululloh ﷺ (namozni) tugatganlarida: ‹Yaxshi qildingiz›, dedilar».Ал-Муғийра ибн Шуъба (розияллоҳу анҳу)дан ривоят қилинадики, Расулуллоҳ ﷺ Табук ғазоти (сафари)да ҳожат учун (четга) кетдилар. Муғийра айтди: «Мен у зот билан бирга сув олиб бордим. Расулуллоҳ ﷺ (ҳожатдан) қайтганларида, мен устларига сув қуйдим. У зот юзларини ювдилар, сўнг қўлларини жуббаларининг енгидан чиқармоқчи бўлдилар, аммо енги тор бўлгани учун уддалай олмадилар, шунинг учун қўлларини жуббанинг остидан чиқардилар. Сўнг қўлларини ювиб, бошларига маш тортдилар ва махси (кўн пайпоқ)лари устидан маш қилдилар. Расулуллоҳ ﷺ (жамоат олдига) келганларида, Абдурраҳмон ибн Авф одамларга имомлик қилиб, улар билан бир ракаатни ўқиб бўлган эди. Расулуллоҳ ﷺ улар билан қолган ракаатни ўқидилар. Бу одамларни ташвишга солди. Расулуллоҳ ﷺ (намозни) тугатганларида: ‹Яхши қилдингиз›, дедилар».