Nofeʼ va Abdulloh ibn Dinordan rivoyat qilinishicha, Abdulloh ibn Umar (roziyallohu anhumo) Kufaga, uning amiri boʻlgan Saʼd ibn Abu Vaqqosning oldiga bordi. Abdulloh ibn Umar uning maxsilari ustidan mash tortayotganini koʻrib, buni inkor qildi (maʼqullamadi). Saʼd unga: «Otangning oldiga borganingda, undan soʻra», dedi. Abdulloh (Madinaga) qaytdi, ammo Saʼd (Madinaga) kelguncha Umardan bu haqda soʻrashni unutdi. (Saʼd): «Otangdan soʻradingmi?» dedi. U: «Yoʻq», dedi. Soʻng Abdulloh undan (Umardan) soʻradi. Umar: «Oyoqlaringni pok holda maxsiga solgan boʻlsang, ular ustidan mash tortaver», dedi. Abdulloh: «Birimiz hojatdan kelgan boʻlsa ham (shundaymi)?» dedi. Umar: «Ha, biringiz hojatdan kelgan boʻlsa ham», dedi.Нофеъ ва Абдуллоҳ ибн Динордан ривоят қилинишича, Абдуллоҳ ибн Умар (розияллоҳу анҳумо) Куфага, унинг амири бўлган Саъд ибн Абу Ваққоснинг олдига борди. Абдуллоҳ ибн Умар унинг махсилари устидан маш тортаётганини кўриб, буни инкор қилди (маъқулламади). Саъд унга: «Отангнинг олдига борганингда, ундан сўра», деди. Абдуллоҳ (Мадинага) қайтди, аммо Саъд (Мадинага) келгунча Умардан бу ҳақда сўрашни унутди. (Саъд): «Отангдан сўрадингми?» деди. У: «Йўқ», деди. Сўнг Абдуллоҳ ундан (Умардан) сўради. Умар: «Оёқларингни пок ҳолда махсига солган бўлсанг, улар устидан маш тортавер», деди. Абдуллоҳ: «Биримиз ҳожатдан келган бўлса ҳам (шундайми)?» деди. Умар: «Ҳа, бирингиз ҳожатдан келган бўлса ҳам», деди.