Jobir ibn Abdulloh (roziyallohu anhumo)dan rivoyat qilinadiki, Rasululloh ﷺ Safo va Marvadan tushganlarida yurar, oyoqlari vodiyning oʻrtasiga yetganda esa undan chiqib ketguncha yugurib (jadal yurib) borar edilar. Molik bilmasdan Baytni tavof qilishdan oldin Safo bilan Marva orasida saʼy qilib yuborgan kishi haqida aytdi: «U qaytib, Baytni tavof qiladi, soʻng Safo bilan Marva orasida saʼy qiladi. Agar bu haqda Makkadan chiqib, uzoqlashguncha bilmasa, u Makkaga qaytib, Baytni tavof qiladi va Safo bilan Marva orasida saʼy qiladi. Agar shu orada ayoliga yaqinlik qilgan boʻlsa, u qaytib, oʻsha umradan zimmasida qolgan (amal)ni tugatishi uchun Baytni tavof qiladi va Safo bilan Marva orasida saʼy qiladi. Soʻngra uning zimmasida yana bir umra va hady (qurbonlik) boʻladi».Жобир ибн Абдуллоҳ (розияллоҳу анҳумо)дан ривоят қилинадики, Расулуллоҳ ﷺ Сафо ва Марвадан тушганларида юрар, оёқлари водийнинг ўртасига етганда эса ундан чиқиб кетгунча югуриб (жадал юриб) борар эдилар. Молик билмасдан Байтни тавоф қилишдан олдин Сафо билан Марва орасида саъй қилиб юборган киши ҳақида айтди: «У қайтиб, Байтни тавоф қилади, сўнг Сафо билан Марва орасида саъй қилади. Агар бу ҳақда Маккадан чиқиб, узоқлашгунча билмаса, у Маккага қайтиб, Байтни тавоф қилади ва Сафо билан Марва орасида саъй қилади. Агар шу орада аёлига яқинлик қилган бўлса, у қайтиб, ўша умрадан зиммасида қолган (амал)ни тугатиши учун Байтни тавоф қилади ва Сафо билан Марва орасида саъй қилади. Сўнгра унинг зиммасида яна бир умра ва ҳадй (қурбонлик) бўлади».