Sulaymon ibn Yasor (rahimahulloh) xabar berishicha, Abu Ayyub al-Ansoriy (roziyallohu anhu) haj qilish uchun yoʻlga chiqdi. Makka yoʻlidagi Noziya (degan joy)ga yetganida ulovlari yoʻqolib qoldi. U nahr (qurbonlik) kuni Umar ibn al-Xattob (roziyallohu anhu)ning oldiga kelib, bu haqda unga aytdi. Umar: «Umra qiluvchi qiladigan (amal)ni qil, shunda ihromdan chiqasan (halol boʻlasan). Kelgusi yili haj senga yetib kelganda esa, haj qil va hadydan nimasi oson (topilsa), shuni soʻy», dedi.Сулаймон ибн Ясор (раҳимаҳуллоҳ) хабар беришича, Абу Айюб ал-Ансорий (розияллоҳу анҳу) ҳаж қилиш учун йўлга чиқди. Макка йўлидаги Нозия (деган жой)га етганида уловлари йўқолиб қолди. У наҳр (қурбонлик) куни Умар ибн ал-Хаттоб (розияллоҳу анҳу)нинг олдига келиб, бу ҳақда унга айтди. Умар: «Умра қилувчи қиладиган (амал)ни қил, шунда иҳромдан чиқасан (ҳалол бўласан). Келгуси йили ҳаж сенга етиб келганда эса, ҳаж қил ва ҳадйдан нимаси осон (топилса), шуни сўй», деди.