Amra bint Abdurrahmon (rahimahalloh)dan rivoyat qilinadiki, u Oisha ummul-moʻminin (roziyallohu anho)ning shunday deganini eshitgan: «Biz Rasululloh ﷺ bilan Zulqaʼdadan besh kecha qolganda, buni faqat haj deb oʻylagan holda yoʻlga chiqdik. Makkaga yaqinlashganimizda Rasululloh ﷺ yonida hadiysi boʻlmagan kishilarga Baytni tavof qilib, Safo bilan Marva orasida (saʼy) qilgach, ihromdan chiqishni buyurdilar». Oisha dedi: «Nahr kuni bizga mol goʻshti keltirildi. Men: ‹Bu nima?› dedim. Ular: ‹Rasululloh ﷺ ayollari nomidan (qurbonlik) soʻydilar›, dedilar». Yahyo ibn Saʼid dedi: «Men bu hadisni Qosim ibn Muhammadga aytdim, u: ‹Allohga qasamki, u senga hadisni aynan oʻz holicha keltiribdi›, dedi».Амра бинт Абдурраҳмон (раҳимаҳаллоҳ)дан ривоят қилинадики, у Оиша уммул-мўминин (розияллоҳу анҳо)нинг шундай деганини эшитган: «Биз Расулуллоҳ ﷺ билан Зулқаъдадан беш кеча қолганда, буни фақат ҳаж деб ўйлаган ҳолда йўлга чиқдик. Маккага яқинлашганимизда Расулуллоҳ ﷺ ёнида ҳадийси бўлмаган кишиларга Байтни тавоф қилиб, Сафо билан Марва орасида (саъй) қилгач, иҳромдан чиқишни буюрдилар». Оиша деди: «Наҳр куни бизга мол гўшти келтирилди. Мен: ‹Бу нима?› дедим. Улар: ‹Расулуллоҳ ﷺ аёллари номидан (қурбонлик) сўйдилар›, дедилар». Яҳё ибн Саъид деди: «Мен бу ҳадисни Қосим ибн Муҳаммадга айтдим, у: ‹Аллоҳга қасамки, у сенга ҳадисни айнан ўз ҳолича келтирибди›, деди».