Robiʼa ibn Abu Abdurrahmon (rahimahulloh) Qosim ibn Muhammad (rahimahulloh)dan, u esa moʼminlar onasi Oisha (roziyallohu anho)dan rivoyat qilishicha, u shunday dedi: «Barira (haqida) uchta sunnat (joriy) boʻldi. Uch sunnatdan biri: u ozod qilinib, eri (bilan qolish yoki ajralish) borasida ixtiyor berildi va Rasululloh ﷺ: ‹Valo (voris boʻlish huquqi) ozod qilgan kishiga (tegishli)dir›, dedilar. (Yana) Rasululloh ﷺ (uyga) kirdilar, qozonda goʻsht qaynab turgan edi. U zotga non va uydagi noz-neʼmatlardan (goʻshtsiz taom) keltirildi. Rasululloh ﷺ: ‹Men bir qozonda goʻsht (borligini) koʻrmadimmi?› dedilar. Ular: ‹Ha, ey Allohning Rasuli, lekin u Bariraga sadaqa qilingan goʻshtdir, siz esa sadaqani yemaysiz›, deyishdi. Rasululloh ﷺ: ‹U — unga (Bariraga) sadaqa, bizga esa hadyadir›, dedilar».Робиъа ибн Абу Абдурраҳмон (раҳимаҳуллоҳ) Қосим ибн Муҳаммад (раҳимаҳуллоҳ)дан, у эса моъминлар онаси Оиша (розияллоҳу анҳо)дан ривоят қилишича, у шундай деди: «Барира (ҳақида) учта суннат (жорий) бўлди. Уч суннатдан бири: у озод қилиниб, эри (билан қолиш ёки ажралиш) борасида ихтиёр берилди ва Расулуллоҳ ﷺ: ‹Вало (ворис бўлиш ҳуқуқи) озод қилган кишига (тегишли)дир›, дедилар. (Яна) Расулуллоҳ ﷺ (уйга) кирдилар, қозонда гўшт қайнаб турган эди. У зотга нон ва уйдаги ноз-неъматлардан (гўштсиз таом) келтирилди. Расулуллоҳ ﷺ: ‹Мен бир қозонда гўшт (борлигини) кўрмадимми?› дедилар. Улар: ‹Ҳа, эй Аллоҳнинг Расули, лекин у Барирага садақа қилинган гўштдир, сиз эса садақани емайсиз›, дейишди. Расулуллоҳ ﷺ: ‹У — унга (Барирага) садақа, бизга эса ҳадядир›, дедилар».