Abdulloh ibn Abu Bakr ibn Muhammad ibn Amr ibn Hazm (rahimahulloh)dan rivoyat qilinadiki, Abon ibn Usmon va Hishom ibn Ismoil oʻz xutbalarida qul yoki joriya sotib olingan paytdan boshlab uch kunlik uhda (kafolat) va bir yillik uhdani zikr qilar edilar. Molik aytdi: «Qul yoki joriya sotib olingan paytdan boshlab uch kun oʻtguncha ularga yetgan (nuqson) sotuvchining zimmasidadir. Bir yillik uhda esa — junun (jinnilik), juzom (moxov) va baras (pes kasalligi)dan (kafolat)dir. Bir yil oʻtgach, sotuvchi butun uhdadan xoli boʻladi». Molik aytdi: «Kim meros egalaridan yoki boshqalardan qul yoki joriyani baroat (kafolatsizlik sharti) bilan sotsa, u har qanday aybdan xoli (masʼuliyatsiz) boʻladi va unga uhda yoʻq; magar biror aybni bilib turib yashirgan boʻlsa (bundan mustasno). Agar aybni bilib turib yashirgan boʻlsa, baroat unga foyda bermaydi va u savdo qaytariladi (bekor qilinadi). Bizning nazdimizda uhda faqat qullarda (boʻladi)».Абдуллоҳ ибн Абу Бакр ибн Муҳаммад ибн Амр ибн Ҳазм (раҳимаҳуллоҳ)дан ривоят қилинадики, Абон ибн Усмон ва Ҳишом ибн Исмоил ўз хутбаларида қул ёки жория сотиб олинган пайтдан бошлаб уч кунлик уҳда (кафолат) ва бир йиллик уҳдани зикр қилар эдилар. Молик айтди: «Қул ёки жория сотиб олинган пайтдан бошлаб уч кун ўтгунча уларга етган (нуқсон) сотувчининг зиммасидадир. Бир йиллик уҳда эса — жунун (жиннилик), жузом (мохов) ва барас (пес касаллиги)дан (кафолат)дир. Бир йил ўтгач, сотувчи бутун уҳдадан холи бўлади». Молик айтди: «Ким мерос эгаларидан ёки бошқалардан қул ёки жорияни бароат (кафолатсизлик шарти) билан сотса, у ҳар қандай айбдан холи (масъулиятсиз) бўлади ва унга уҳда йўқ; магар бирор айбни билиб туриб яширган бўлса (бундан мустасно). Агар айбни билиб туриб яширган бўлса, бароат унга фойда бермайди ва у савдо қайтарилади (бекор қилинади). Бизнинг наздимизда уҳда фақат қулларда (бўлади)».