Abu Hurayra (roziyallohu anhu)dan rivoyat qilinadi: Rasululloh ﷺ mulomasa va munobaza (savdolari)dan qaytardilar. Molik aytdi: «Mulomasa — kishi kiyimni (qoʻli bilan) ushlab koʻrishi, lekin uni yozib, ichida nima borligini koʻrishga imkoni boʻlmasligi; yoki kechasi, ichida nima borligini bilmay turib sotib olishidir. Munobaza esa — kishi oʻz kiyimini boshqasiga uloqtirib, u ham oʻz kiyimini unga uloqtirishi va ikkovi ham (matoni) koʻzdan kechirmasligi; har biri: ‹Bu — buning evaziga›, deyishidir. Mulomasa va munobazadan qaytarilgani mana shudir». Molik aytdi: Ichidagi narsalari sanab koʻrsatilgan tugunlarni (jamlab) sotish — xaltaga solingan yopiq kiyim yoki taxlangan mato va shu kabilarni sotishdan farq qiladi. Farqi shundaki, bu — odamlar orasida keng tarqalgan, tanish odat boʻlib, ilgaridan davom etib kelayotgan va odamlar hech qanday zarar koʻrmaydigan, ruxsat etilgan muomalalardandir; chunki ichidagisi sanab koʻrsatilgan tugunlarni ochmasdan sotishda gʻarar (noaniqlik) koʻzda tutilmaydi va bu mulomasaga oʻxshamaydi.Абу Ҳурайра (розияллоҳу анҳу)дан ривоят қилинади: Расулуллоҳ ﷺ муломаса ва мунобаза (савдолари)дан қайтардилар. Молик айтди: «Муломаса — киши кийимни (қўли билан) ушлаб кўриши, лекин уни ёзиб, ичида нима борлигини кўришга имкони бўлмаслиги; ёки кечаси, ичида нима борлигини билмай туриб сотиб олишидир. Мунобаза эса — киши ўз кийимини бошқасига улоқтириб, у ҳам ўз кийимини унга улоқтириши ва иккови ҳам (матони) кўздан кечирмаслиги; ҳар бири: ‹Бу — бунинг эвазига›, дейишидир. Муломаса ва мунобазадан қайтарилгани мана шудир». Молик айтди: Ичидаги нарсалари санаб кўрсатилган тугунларни (жамлаб) сотиш — халтага солинган ёпиқ кийим ёки тахланган мато ва шу кабиларни сотишдан фарқ қилади. Фарқи шундаки, бу — одамлар орасида кенг тарқалган, таниш одат бўлиб, илгаридан давом этиб келаётган ва одамлар ҳеч қандай зарар кўрмайдиган, рухсат этилган муомалалардандир; чунки ичидагиси санаб кўрсатилган тугунларни очмасдан сотишда ғарар (ноаниқлик) кўзда тутилмайди ва бу муломасага ўхшамайди.