حَدَّثَنِي مَالِكٌ، عَنْ هِشَامِ بْنِ عُرْوَةَ، عَنْ أَبِيهِ، عَنْ عَائِشَةَ، زَوْجِ النَّبِيِّ صلى الله عليه وسلم أَنَّهَا قَالَتْ جَاءَتْ بَرِيرَةُ فَقَالَتْ إِنِّي كَاتَبْتُ أَهْلِي عَلَى تِسْعِ أَوَاقٍ فِي كُلِّ عَامٍ أُوْقِيَّةٌ فَأَعِينِينِي . فَقَالَتْ عَائِشَةُ إِنْ أَحَبَّ أَهْلُكِ أَنْ أَعُدَّهَا لَهُمْ عَنْكِ عَدَدْتُهَا وَيَكُونَ لِي وَلاَؤُكِ فَعَلْتُ . فَذَهَبَتْ بَرِيرَةُ إِلَى أَهْلِهَا فَقَالَتْ لَهُمْ ذَلِكَ فَأَبَوْا عَلَيْهَا فَجَاءَتْ مِنْ عِنْدِ أَهْلِهَا وَرَسُولُ اللَّهِ صلى الله عليه وسلم جَالِسٌ فَقَالَتْ لِعَائِشَةَ إِنِّي قَدْ عَرَضْتُ عَلَيْهِمْ ذَلِكَ فَأَبَوْا عَلَىَّ إِلاَّ أَنْ يَكُونَ الْوَلاَءُ لَهُمْ . فَسَمِعَ ذَلِكَ رَسُولُ اللَّهِ صلى الله عليه وسلم فَسَأَلَهَا فَأَخْبَرَتْهُ عَائِشَةُ فَقَالَ رَسُولُ اللَّهِ صلى الله عليه وسلم " خُذِيهَا وَاشْتَرِطِي لَهُمُ الْوَلاَءَ فَإِنَّمَا الْوَلاَءُ لِمَنْ أَعْتَقَ " . فَفَعَلَتْ عَائِشَةُ ثُمَّ قَامَ رَسُولُ اللَّهِ صلى الله عليه وسلم فِي النَّاسِ فَحَمِدَ اللَّهَ وَأَثْنَى عَلَيْهِ ثُمَّ قَالَ " أَمَّا بَعْدُ فَمَا بَالُ رِجَالٍ يَشْتَرِطُونَ شُرُوطًا لَيْسَتْ فِي كِتَابِ اللَّهِ مَا كَانَ مِنْ شَرْطٍ لَيْسَ فِي كِتَابِ اللَّهِ فَهُوَ بَاطِلٌ وَإِنْ كَانَ مِائَةَ شَرْطٍ قَضَاءُ اللَّهِ أَحَقُّ وَشَرْطُ اللَّهِ أَوْثَقُ وَإِنَّمَا الْوَلاَءُ لِمَنْ أَعْتَقَ " .
Nabiy ﷺ ning zavjalari Oisha (roziyallohu anho)dan rivoyat qilinadiki, u shunday dedi: «Barira kelib: ‹Men xoʻjalarim bilan har yili bir uqiyadan, toʻqqiz uqiyaga mukotaba (ozodlik shartnomasi) tuzdim, menga yordam bergin›, dedi. Men: ‹Agar xoʻjalaring uni sening nomingdan ularga sanab (toʻlab) berishimni va valo (merosxoʻrlik huquqi) meniki boʻlishini xohlasalar, shunday qilaman›, dedim. Barira xoʻjalarining oldiga borib, ularga shuni aytdi, biroq ular koʻnmadilar. U xoʻjalarining oldidan qaytib keldi, Rasululloh ﷺ esa oʻtirgan edilar. U menga: ‹Men ularga buni taklif qildim, biroq ular valo ularniki boʻlishidan boshqasiga koʻnmadilar›, dedi. Rasululloh ﷺ buni eshitib, undan soʻradilar, men u zotga xabar berdim. Shunda Rasululloh ﷺ: ‹Uni olgin va ularga valoni shart qilib qoʻyaver, chunki valo faqat ozod qilgan kishiga tegishlidir›, dedilar. Men shunday qildim. Soʻng Rasululloh ﷺ odamlar orasida turib, Allohga hamd va sano aytdilar, keyin: ‹Ammo baʼd, nega baʼzi kishilar Allohning Kitobida boʻlmagan shartlarni shart qiladilar?! Allohning Kitobida boʻlmagan har qanday shart botildir, garchi u yuzta shart boʻlsa ham. Allohning hukmi haqroq va Allohning sharti mustahkamroqdir. Valo esa faqat ozod qilgan kishiga tegishlidir›, dedilar».Набий ﷺ нинг завжалари Оиша (розияллоҳу анҳо)дан ривоят қилинадики, у шундай деди: «Барира келиб: ‹Мен хўжаларим билан ҳар йили бир уқиядан, тўққиз уқияга мукотаба (озодлик шартномаси) туздим, менга ёрдам бергин›, деди. Мен: ‹Агар хўжаларинг уни сенинг номингдан уларга санаб (тўлаб) беришимни ва вало (меросхўрлик ҳуқуқи) меники бўлишини хоҳласалар, шундай қиламан›, дедим. Барира хўжаларининг олдига бориб, уларга шуни айтди, бироқ улар кўнмадилар. У хўжаларининг олдидан қайтиб келди, Расулуллоҳ ﷺ эса ўтирган эдилар. У менга: ‹Мен уларга буни таклиф қилдим, бироқ улар вало уларники бўлишидан бошқасига кўнмадилар›, деди. Расулуллоҳ ﷺ буни эшитиб, ундан сўрадилар, мен у зотга хабар бердим. Шунда Расулуллоҳ ﷺ: ‹Уни олгин ва уларга валони шарт қилиб қўявер, чунки вало фақат озод қилган кишига тегишлидир›, дедилар. Мен шундай қилдим. Сўнг Расулуллоҳ ﷺ одамлар орасида туриб, Аллоҳга ҳамд ва сано айтдилар, кейин: ‹Аммо баъд, нега баъзи кишилар Аллоҳнинг Китобида бўлмаган шартларни шарт қиладилар?! Аллоҳнинг Китобида бўлмаган ҳар қандай шарт ботилдир, гарчи у юзта шарт бўлса ҳам. Аллоҳнинг ҳукми ҳақроқ ва Аллоҳнинг шарти мустаҳкамроқдир. Вало эса фақат озод қилган кишига тегишлидир›, дедилар».