Molikka yetib kelishicha, Urva ibn Zubayr va Sulaymon ibn Yasor (rahimahumulloh): «Mukotab, zimmasida kitobatidan biror narsa qolar ekan, qul (hisoblanadi)», derdilar. Molik aytdi: «Bu — mening ham fikrim». Molik aytdi: «Agar mukotab vafot etib, zimmasida qolgan kitobatidan koʻproq mol qoldirsa va uning kitobati davomida tugʻilgan yoki oʻzi bilan birga kitobat qilingan bolalari boʻlsa, ular kitobati ado etilgach ortib qolgan molni meros qilib oladilar».Моликка етиб келишича, Урва ибн Зубайр ва Сулаймон ибн Ясор (раҳимаҳумуллоҳ): «Мукотаб, зиммасида китобатидан бирор нарса қолар экан, қул (ҳисобланади)», дердилар. Молик айтди: «Бу — менинг ҳам фикрим». Молик айтди: «Агар мукотаб вафот этиб, зиммасида қолган китобатидан кўпроқ мол қолдирса ва унинг китобати давомида туғилган ёки ўзи билан бирга китобат қилинган болалари бўлса, улар китобати адо этилгач ортиб қолган молни мерос қилиб оладилар».